Ndryshimi fillon nga vetja duke guxuar dhe implementuar atë që mendon si aset vlerash në shërbim të komunitetit, demokacisë dhe lirisë.
Ndryshimi fillon nga unë, ti, nga ne dhe çdo kush që kërkon të bëhet pjesë e fuqisë për të shkëputur nga kthetrat e oligarkisë dhe diktaturës moderne popullin e shumëvuajtur.
Nuk na përçajnë dot, as na zbehin fuqinë me ligjet e miratuara tinzarisht nga bajgat dhe të pabesët. Nuk na coptojnë dot partiçkat e krijuara së fundëmi nga të pacipët/at që volën pushtetin e PD, vendosën turli paçavurje e sigurimsi në institucionet ku drejtonin, u bënë me pasuri marramendëse dhe lanë rrugëve qëndrestarët, intelektualët, të rinjtë e të rejat duke i anatemuar me lloj lloj epitetesh.
Nuk na ndalin dot as me diversionin që duan të fusin mes nesh se është ky apo ai në listën e deputetëve. Ne jemi të gjithë bashkë sepse kauza është më e madhe se interesi personal. Ne jemi forca, se bashkimi na bën të tillë. Ne jemi fuqia se populli është me ne dhe vota do jetë një plebishit kundër plehrave që as inceneratorët e korrupsionit nuk do i riciklojnĕ dot.
Sa për debatin e fundit në mediat e shkruar dhe vizive në lidhje me kandidaturat e kualifikuara apo ato pritëse, dua të them se komisioni ka bërë punën sipas vendimit të Kryesisë, antarësia dha verdiktin e vet me votë, por gjithcka do vendoset nga z. Basha, Kryesia dhe Keshilli Kombëtar i PDSH-së.
Kam dhe një thirrje për demokratët dhe njerzit e lirë të jemi koherentë me situatën, vigjilentë nga manipulatorët, trima me grabitqarët dhe shumë të qartë, të pastër dhe zemër hapur me bashkëudhëtarët që me votë do sjellin fuqinë e ndryshimit.
Ne jemi bashkë, eja dhe ti bëhu pjesë e ndryshimit të madh se nesër është vonë?
Zoti ju bekoftë demokratë dhe njerëz të lirë ?
Kryetar Partia Demokratike Dega Librazhd
Bujar Vreto
25.10.2020