Vehap Kola, lektori dhe analisti, ka bërë një përllogaritjeje të hollësishme, të vendimeve dëmprurëse që qeveria që po mbyll mandatin e saj e saj të dytë, mori vetëm në vitin e saj të parë në pushtet në vitin 2014.
Kola shkruan: “a – Rritjet e Rilindjes vetëm në vitin 2014. Të tjerat bëjini hesap vetë.
1. Rritja e çmimit të energjisë për konsumatorët familjarë, përkatësisht heqja e fashës 300 kW/h me çmim 7.7 lekë dhe vendosja e tarifës së sheshtë 10.6 lekë për kW/h.
2. Rritja e pagesës minimale për sigurimin shëndetësor nga 5308 lekë/muaj në 5415 lekë/muaj.
3. Rritja e pagës minimale dhe maksimale përkatësisht nga 19,026 lekë/muaj në 19,406 lekë/muaj dhe nga 95,130 në 97,030 lekë/muaj.
4. Rritja e numrit të viteve të kontributeve shoqërore për të përfituar pension nga 35 në 37 vite.
5. Rritja e moshës së pensionit nga 65 në 67 vjeç për burrat dhe nga 60 në 63 për gratë.
6. Rritja e masës së kontributit të sigurimit shëndetësor – heqja e tavanit të pagës maksimale për pagimin e kontributit 3.4% të pagës për sigurimin shëndetësor.
7. Rritja e taksës së qarkullimit (mbi karburantet) me 12 lek/litër.
8. Rritja e TVSH-së për librin dhe shtypshkrimet nga 0% në 10%.
9. Rritja e TVSH-së për arsimin publik dhe privat nga 0% në 20%.
10. Rritje e akcizës mbi grason nga 0 lekë në 40 lek/kg.
11. Rritje e akcizës ndaj birrës me 29% ndaj prodhimit vendas dhe 19% ndaj birrës së importit.
12. Rritje e akcizës mbi pijet alkoolike nga 50 mijë lekë për HL alkool anhider në 65 mijë lekë për HL alkool anhider
13. Rritja e akcizës mbi duhanin e dredhur nga 1500 lek/kg në 3000 lek/kg
14. Rritja e akcizës mbi duhanin nga 70 lek/paketë në 90 lekë për paketë.
15. Dyfishimi i taksës së ndërtesës për ndërtimet pas 1993.
16. Rritja – shtimi në listë – e akcizës së pijeve energjike nga 0 lek/kg në 50 lek/kg. 17. Rritja e tatimit mbi të ardhurat mbi 130 mijë lekë në muaj, nga 10% në 23%. 18. Rritja e tatimit mbi fitimin e shoqërive nga 10% në 15%.
