Ish-ministri në qeveritë socialiste dhe ish-deputeti i PS-së, Elmaz Sherifi, në një koment shprehet se Sulltanit tonë po i vjen fundi, por sipas tij, sulltanët nuk ikin me zgjedhje, por rrëzohen.
Sherifi thekson se marrëveshja e 5 qershorit 2020 e zuri në kurth Sulltanin tonë, dhe sa u informua se me atë marrëveshje zgjedhjet i kish të humbura, urdhëroi të ndryshohet kushtetuta, për të hequr koalicionet parazgjedhore.
“Heqja e koalicioneve parazgjedhore pa procedura kushtetuese, pa marrëveshje me opozitën reale dhe ndryshimi i dispozitave me “opozitën e besës” nga Sulltani ynë, është akti i hapur i anormalitetit nga anarkisti institucional”, shkruan Sherifi.
Duke krahasuar Edi Ramën me një Sulltan, Sherifi shprehet se “po i vjen fundi filozofit surelist të së drejtës, ashtu si ndodhi me Sulltan Abdyl Hamitin më 1908, kur e detyruan të dekretonte Hyrjetin. Mandatën për ta nënshkruar dekretin i’a dha edhe deputeti shqiptar Esat Toptani”.
“Sulltanet e duan shumë pushtetin. Ja si u ringjall edhe në Shqipëri, pas 30 vjet pluralizëm mendësia sulltanore.
Sulltanët nuk heqin dorë me vullnet e zgjedhje të lira nga marrëzitë. Ata rrëzohen!”, shkruan Sherifi.
Komenti nga Elmaz Sherifi, ish-ministër i PS
“U ringjall Sulltani ” !
Më 1876 Fuqitë e Mëdha e detyruan Sulltan Abdyl Hamitin të miratonte Kushtetutën e Parë të Perandorisë. Në zgjedhjet e para pluraliste hynë në parlamentin Osmane edhe 26 shqiptare.
Por jeta parlamentare i krijoi dhimbje koke Sulltanit, prandaj me një dekret i dha fund jetës parlamentare.
Sulltanit tonë, filozofit surelist të së drejtës pluralizmi real i krijon kokëçarje, sepse i kërcënon pushtetin, që e do më shumë se jetën. Punoi me mjeshtëri e dinakri për t’i eleminuar pushtetet e shtetit, deri sa e katandisi Shqipërinë, me një Kuvend të Sajuar, pa Gjykatë të Lartë, pa Gjykatë Kushtetutese, pa vetëqeverisje vendore dhe pa shoqëri civile.
Kjo situatë u menaxhua me mjeshtërinë e oratorit, deri më 14 janar 2020, kur u themelua Këshilli Politik, që realisht delegjitimoi dy institucione. Zhbëri Komisionin e Reformës Zgjedhore dhe delegjitimoi Kuvendin e Sajuar.
Marrëveshja e 5 qershorit 2020 e zuri në kurth Sulltanin tonë, dhe sa u informua se me atë marrëveshje zgjedhjet i kish të humbura, urdhëroi të ndryshohet kushtetuta, për të hequr koalicionet parazgjedhore.
Heqja e koalicioneve parazgjedhore pa procedura kushtetuese, pa marreveshje me opoziten reale dhe ndryshimi i dispozitave me “opoziten e beses” nga Sulltani yne, eshte akti i hapur i anormalitetit nga anarkisti institucional.
Me kete akt nxorri faqe botes, sa amoral ishte pretendimi, se gjithecka Sulltani e bente qe ti jepej mundesi popullit te zgjidhte si perfaqesues ate qe deshiron.
Opozita Reale i’a la dopjo gjashten me dore. Ajo ndryshe nga varianti sulltanor qe i mashtronte shqiptaret militante me “listat e perdredhura”, pranoi qe zgjedhesit te votojne perfaqesuesit e tyre qindperqind, jo tridhjet perqind sa deshiron Sulltani.
Por, Sulltani e ka syne te shkrirja e partive politike me dekretin e tij. Sepse eshte i bindur, qe pushtetin e ka te humbur me koalicionet parazgjedhore.
Keshtu po i vjen fundi edhe Sulltanit tone, filozofit surelist te se drejtes, ashtu si ndodhi me Sulltan Abdyl Hamitin me 1908, kur e detyruan te dekretonte Hyrjetin. Mandaten per ta neneshkruar dekretin i’a dha edhe deputeti shqiptar Esat Toptani.
Sulltanet e duan shume pushtetin. Ja si u ringjall edhe ne Shqiperi, pas 30 vjet pluralizem mendesia sulltanore.
Sulltanet nuk heqin dore me vullnet e zgjedhje te lira nga marrezite. Ata rrezohen !
