Nga Sara FRROKU
Besoje ose jo: Shembja e teatrit eshte problem i te gjithe shqiptareve.
Sapo kemi hyre ne nje kapitull komplet te ri per Shqiperine, me 17 maj zyrtarisht u vendos diktatura. Cfare mund te them tjeter pervecse hajde ta gezojme!? Nuk i ve qeverise se sotme shume faj per prishjen e teatrit pasi eshte zakon i hershem qe nga koha e komunizmit te shkaterrojme objekte me vlere historike per vendin ashtu sic u prishen dekada me pare kisha dhe xhami qe u kishin mbijetuar shekujve. Mesa duket ujku vertet e nderroka qimen por zakonin kurre.
Nuk u ve faj as njerezve qe nuk e vleresojne artin dhe historine dhe i thone ‘E cfare pastaj?’ shembjes se tij sepse fundja kapaciteti i disa mendjeve mediokre aq eshte dhe ne nuk kemi pasur ndonjehere si popull mjaftueshem intelekt sa per te vleresuar trashegimi te tilla. Por dhe ata qe jane pro shembjes dhe ata qe jane kunder duhet ta mbrojne kauzen vetem per nje arsye te vetme: ti japin nje here e mire nje mesim kesaj qeverie dhe gjithe atyre qe do vine me pas qe nuk mund t’na shkelin si te duan ata. Nje qeveri duhet te kete frike popullin e tij dhe jo e kunderta.
Edhe keta tanet nuk kane shume faj qe na vjedhin,zaptojne te drejtat e shtypin fjalen e lire sepse fundja ne jua kemi lene te hapur rrugen per te bere c’te duan me ne. Ore doni te vidhni? Vidhni. Doni te shembni? Shembni. Po,po shembni cfare te doni dhe sidomos shembni shtepite e atyre qe thone ‘Kemi 1000 halle,pse ngriheni per teatrin?’.
Sepse sot eshte astiri,neser eshte teatri, mbasneser do jete pikerisht shtepia jote,jeta jote qe do shkaterrohet. Diktatura eshte gjarper qe fshihet dhe leviz ngadale.Nuk del sheshit.Te pakten jo deri ne momentin e kafshimit fatal.
Por ah, kur vjen pjesa e kafshimit eshte teper vone. Po te ngrihemi me vone do jete teper vone. Duhet tani.Ky popull ka duruar shume dhe kova qe mbushte uje paska qene shume e thelle.
Por pika e fundit ishte ajo e teatrit. Keta moralistet qe thone se kauza e teatrit nuk eshte problemi yne,se ne kemi plot halle te tjera dhe se nuk u dashka te merremi me problemet e te tjereve nuk e kuptojne se Shqiperia eshte bere nje vend i padurueshem per te jetuar jo nga njerezit e keqinj qe shtypin por nga njerezit qe shohin keta te keqinj duke shtypur dhe nuk bejne asgje. Sot minatoret, neser studentat, mbasneser artistet por mos u shqeteso me vone do te vije rradha dhe ty.
Qeveria nuk te ka ty me xhan se te tjeret. Mund te ndodhe qe ti te kesh ndertuar shtepine ne nje toke qe i leverdis nje oligarku per ta rrembyer. Nje dite te bukur me diell ai do beje nje shetitje nga lagjia jote dhe do perfytyroje nje kulle madheshtore pikerisht aty ku eshte banesa jote. Do rrish nate e dite me frike qe do vijne dragonjte e verdhe te ta rrembejne dhe ke shume te drejte qe ke frike sepse ato patjeter qe do vine.
Do shohesh fadromen dragua se si prish mundin e jetes tende,do te te dridhen gjunjet dhe do bertasesh me sa ke fuqi ‘ku jeni, pse s’lufton asnjeri perkrah meje?’ . Ne nuk do vime te luftojme,protestojme perkrah teje sepse as ti nuk erdhe te luftosh perkrah nesh.
Te paret tane thonin: Nje njeri qe vetem per veten jeton eshte si nje dru qe peme s’leshon. Skenderbeu thoshte: Qendroni te bashkuar,shume thupra se bashku nuk mund te thyhen,nje e nga nje ata thyhen lehte.
Te mos protestosh sepse nuk eshte kauza jote,sepse ti ke halla te tjera si nafta,ushqimi,rroga do te thote te mos kesh ndergjegje,te mos kesh moral e domosdo t’mos kesh as zemer. Teatri eshte kauza jote,eshte kauza e te gjitheve!
