Nga, Zef Morina – kryetar i USHDK-së & zv/kryetar i PSHDK-së
Viti 2020, bashkimi i demokristianëve për kombin tonë. USHDK, përcaktimi i sfidës tonë.
Sot më shumë se kurrë demokristianët mbarë shqiptarë duhet t’i përgjigjen me ndërgjegje të plotë e të fortëbashkuar në nacionalizmin e identitetit tonë mbarë kombëtar, çështjes së integrimit në Euro Atlantik, si dhe shtetit Iigjor e demokratik të pavarur nga askush, përveç mirënjohjes së përjetshme ndaj SHBA-së dhe mbështetjes së fuqive të mëdha Europiane.
Sot ne duhet të udhëhiqemi nga sllogani, koha pēr njëri-tjetrin, mesazhi ynë me dashuri njerëzore pasi po përjetojmë ndarje e tranzicion të gjatë, e të dhimbshëm për të gjithë shqiptarët në trojet e veta e më gjërë. Me besimin në Zot, në familje e në individin e fortë, në mençurinë e tij duhet të jetë orientimi i demokracisë kristiane.
Vetëm demokristianët me historinë e tyre ndërtuan qytetërimin e krishterë, përsa u përket demokristianëve shqiptarë, ata bënë urën e bashkimit, projektuan Shqipërinë e bashkuar, apeluan e sakrifikuan, por u ndaluan si “molla e ndaluar”për të vazhduar rrugën injoranca, allashqiptarizma e çakejtë. Asnjëherë nuk u bë e mundur të buzqeshte fati shqiptarëve për tu drejtuar nga frymëzimi perëndimor pasi djalli qëlloi më mirë në shenjë duke përvetësuar injorancën e shumicës ç’ka do të thotë shqiptar të pa orientuar. Krejt e natyrshme do të kishte pasoja përderisa prej pesë shekujsh ishin nën pushtuesin i cili nuk solli asgjë tjetër, veçse servil, shërbëtor, të paditur e çoroditje, gjë e cila nuk i përkiste gjenezës e identitetit tonë kombëtar.
Por ajo çfarë të trishton është përjashtimi i faktorit kristian nga diktatura komuniste në Shqipëri e fondamentalizmi pseudointelektual në Kosovë, duke përdorur të gjitha mjetet deri në kryqëzimin e elitës demokristiane në trojet tona. Pa u zgjatur nga koha e komunizmit në të dyja trojet shqiptare pasi ajo ishte pjella më e keqe, veçmas për shqiptarët, por edhe postkomunizmi fillimisht në Shqipëri e pastaj në Kosovë krijoi një frymë të shtirur në pluripartizëm duke krijuar hapsira për themelimin e partisë Demokristiane e cila duhej kontrolluar patjetër për ta penguar në zhvillimin e gjërë në frymën e saj properëndimore, ashtu sikurse e njëjta gjë edhe në Kosovë për krijimin e PSHDK-së me plot ndalesa e represion, përjashto vitet e Presidentit Ibrahim Rugova i cili gjithnjë i ka hapur krah vllazëror demokristianëve të Kosovës.
Pra demokristianët në të dyja shtetet shqiptare sot po përdoren si fasadë për politikën shqiptare përballë Europës, më shumë garniturë e makinës fondamentaliste të shteteve shqiptare. Pa u futur thellë në hollësira për të gjithë drejtuesit demokristinë ndër vite, apo demokristianofobinë, ajo çka duhet theksuar sot është ndalesa e uzurpimit apo instalimi i mëndjeve të ngurta, të thara apo pse jo duhet thënë qëllimkeq të atyre që na rrethojnë.
Ne sot jemi krejt të sigurtë te drejtuesit demokristian se kanë qëllim hapje e bashkëpunimi por diku kemi ndalesa të qëllimta nga frakturat brënda nesh ose të manipuluarit. Fakti që sot pranë nesh në Tiranë apo në Prishtinë kemi përqarje me vetëdije apo pa vetëdije, të shitur apo të blerë, kjo dëmton proçesin e rritjes duke krijuar ndarje më shumë të imponuara nga demokristianofobia sesa nga dija e qëllimi.
Unë besoj se forcimi i demokracisë tonë të brendshme për demokristianët mbarë shqiptarë do të rriste prurjet, minimizonte frakturat, frenimin e çdo të padituri, sikurse gadishmëria për hapjen e të gjitha flukseve të mendimit ndryshe, vetëm kështu kjo frymë garanton të arrdhme e besim të plotë për strukturat e demokracisë tonë kristiane. Sot lidershipi demokristian ashtu si në Tiranë edhe në Kosovë është i shëndoshë, me eksperiencë, me qëllim hapje bashkimi e bashkëpunimi, pra kemi ekspertët tanë politik që nga zoti Nard Ndoka nga dy tre politikanët më të zotë e të pa kapur të Shqipërisë së bashku me kryesinë e tij, e deri te Uke Berisha me kryesinë e PSHDK-së.
Vërtetë kemi drejtues të zotët të cilët janë të pakontrolluar nga demokristianofobia, porse na duhet të zgjohemi së bashku si një trupë e vetme duke hapur dyert për demokristianët e ndershëm e krijuar frymën e debatit konstruktiv brënda nesh, si dhe konkurimin e drejtë të secilit sipas meritokracisë. Shumë shpejt sapo të konsultohemi me zotin Nard Ndoka dhe me zotin Ukë Berisha do të caktojmë datën e mbledhjes së kongresit së Unionit Shqiptar Demokristian i cili do të përcaktojë qartë orientimin tonë në të arrdhmen, forcimin e bashkimin afatgjatë.
Është koha për njëri-tjetrin, sot më shumë se kurrë duke jetuar së bashku me qëllim minimizimin e varfërisë dhe kontributin tonë gjithëshqiptar për integrimin e shoqërisë tonë në strukturat EuroAtlantike. 2020 viti i demokristianëve!
