Analisti Besnik Mustafaj, njëkohësisht ish-ministri i Jashtëm i Shqipërisë, në studion e ‘Opinion’ ka komentuar dorëheqjen e 7 drejtorëve në Shkodër, pas urdhrit të kryeministrit Rama, i cili dje deklaronte se këto ndryshime bëhen vetëm për të krijuar një imazh të ri të PS-së në Shkodër.
Mustafaj u shpreh dorëheqja e tyre është e qëllimshme dhe e palogjikshme. Për Mustafajn, PS po funsionon si një kazermë ushtarake nën drejtimin e Edi Ramës. Analisti shton se Ditmir Bushati ka të drejtë kur thotë se PS-së i duhet një reformë politike.
“Kryeministri mund të thërrasë në mbledhje drejtorët. Mirëpo, vendimet u morën në selinë e PS. Nuk shkon krejt simbolika që ka dashur të ndërtojë Rama, është jashtë ligjit, jashtë Kushtetutës. Është bërë qëllimisht për të ndërtuar simbolikën e komunitetit të tij publik me komunitetin. Kryeministri t’i thërrasë në Prokurori drejtorët. Ikja mund të bëhet nëse një drejtor nuk ka bërë punën, në rast se ai nuk ka dhënë në punë, atëherë mund ta heqësh. Rama vendos gra që të përmirësojë imazhin. Bushati thotë gjëra të drejta. Ka faktorë politike mes kryeministrit dhe Bushatit. Ne kishim më herët Blushin, që tentoi të ketë tjetër fytyrë për PS, por Rama e ka futur në kazermë ushtarake Partinë Socialiste dhe e ka në kontroll të plotë, mendoj unë. Ka konfuzion. PD ka detyrë të denoncojë të keqen. Partia Demokratike nuk mund të mbetet vetëm tek denoncimet, por të shfaqë edhe programin dhe të bëhet edhe shpresë”, tha Mustafaj.
