Protestën e Opozitës, e shoh si të vetmin mekanizëm për të shpëtuar vendin dhe veçanërisht demokracinë në të.
Nuk besoj se ka mekanizëm tjetër për të rrëzuar Kryeminstrin në detyrë, për sa kohë edhe Mediat Ndërkombëtare dhe Ndërkombëtarët vetë, Opozitë quajnë Opozitën jashtë Parlamentit dhe jo Opozitën brenda tij.
Nga kjo analizë rezulton se i vetmi kërcënim i vërtetë për Kryeministrin, është Opozita jashtë Parlamentit.
Unë mendoj se mospjesëmarrja në Protestën e Opozitës, nuk e bën një qytetar më të keq apo më të mirë, por veçse më të mbyllur në vetvete dhe më të pavetëdijshëm për forcën që ka si qytetar dhe për të drejtat që i takojnë.
Votimet që priten të zhvillohen më 30 qershor janë një kërcënim i hapur për Demokracinë në vend.
Çështja e Demokracisë apo e Diktaturës e kapërcen vetë Opozitën dhe kthehet në Çështje Kombëtare.
Dhe në çastin që kanoset Demokracia në vend, mbyllja e qytetarit në vetvete nuk bën gjë tjetër, veçse plagos për të dytën herë, Demokracinë në Shqipëri.
Post Scriptum- Dilema e frikshme ” Demokraci apo Diktaturë ?!” vërtitet sot mbi Kombin Shqiptar.
