Vetëhelmimi i 52 vjecarit nga fshati Tale i Lezhës, i cili në kushtet e pamundësisë ekonomike për të siguruar nevojat elementare si dhe për të përballuar likujdimin e faturave duke i dhënë fund jetës, ka sjellë reagimin e kandidatit të Aleancës Demokristiane për kreun e bashkisë Lezhë, Eduart Ndocaj, i cili përmes një shënimi në profilin facebook, ka lëshaur apelin kumbues, duke u kërkuar shqiptarëve të jenë zotër të fatit të tyre.
Në këtë reagim, Ndocaj, ka evidentuar faktin e mungesës së politikave sociale për shtresat vulnerable nga qeverisja aktuale, duke nënvizuar se: “Është e paimagjinueshme sot në 2019 t’i krijosh presion një familjeje në varfëri ekstreme të paguajë 700mijë lekë drita”.
Ja reagimi i plotë i kandidatit për kreun e bashkisë Lezhë, Eduart Ndocaj:
Nëse ka ndonjë qenie për të cilën kemi akoma sado pak mëshirë, ajo është qenia njerëzore. Kjo sepse ne njerëzit kemi ndjenja, dhembsuri e dashuri per njeri-tjetrin. Kemi instinktin të ndihmojmë dikë që është në vështirësi. Të ngrejmë dikë që rrëzohet. Po ashtu t’i rrimë afër dikujt që hidhërohet. Do ishte çnjerëzore nëse dikush nga ne do shikonte dikë që është në momentet e fundit të jetës dhe nuk do bënte çmos per ta shpetuar me gjithë forcat e tij. Është ajo që ne jemi. Është e pashmangshme. Për me tepër kjo hyn edhe në traditën e burrave dhe të grave lezhnjane e shqiptare. Të paktën unë femijëve të mi këtë kulturë vazhdoj tu jap, por nëse arrijmë në gradën sa t’i humbasim këto vlera njerzore atëherë vetëm njerëz që nuk jemi më.
Është e turpshme miqtë e mi, për të gjithë lezhjanet, për të gjithë shqiptarët, për të gjithë ne si shoqëri që dikush të vrasë veten sepse nuk kishte mjaftueshëm para për të paguar dritat. Është e paimagjinueshme sot në 2019 t’i krijosh presion një familjeje në varfëri ekstreme të paguajë 700mijë lekë drita. Nuk mendoj që ju si shoqeri do donit këtë për komshiun tuaj apo për të afërmit tuaj. Sepse ju jeni njerëz me vlera. Jam i sigurt që ju do ta ndihmonit këtë njeri. Por ja qe nuk e bëtë dot. Kjo jo sepse nuk deshët, por sepse nuk mundeshit. Sepse jeni të ndaluar te veproni. Vendosin të tjerët për ju. Vendosin një grusht njerëzish pa vlera për ju. Vendosin çnjerzorë për ju!
Dhe vazhdojnë ta bëjnë. E do vazhdojnë derisa t’ju bëjnë edhe ju çnjerzorë. Madje deri në pikën sa të arrini e të hani njëri-tjetrin. Po pse kjo është kultura që kemi trashëguar?! Të vrasim njeri-tjetrin?! T’i mosrespektojmë? Këtë kulturë doni t’u jepni fëmijve tuaj?
Kështu do vazhdojë akoma ky vend me Berisha dhe Rama, me Meta dhe Kryemadha, apo me Pjerina dhe Frrokaj që nuk morën mundimin as ta ngushëllojnë këtë familje? Me këta? Me këta njerëz jo-njerzorë? Kështu do vazhdojë Lezha? Do vendosin kafshët per ta?!
Mjaft bre, se nuk e meritoni!
Merrni fatin tuaj ne dorë o shqiptarë dhe hajde ta ndriçojmë këtë vend!
