Në kuadër të 575 vjetorit të “Besëlidhjes Shqiptare”, kësaj ngjarje historike që solli përpjekjen e krijimit të një mentaliteti shtetbërës, ish-deputeti Eduart Ndocaj, i njohur për pasionin dh etalentin e tij në fushën e pikturës, ka risjellë në vëmendjen e dashamirësve të shumtë të artit disa piktura me portretin e Heroit tonë Kombëtar, Gjergj Kastrioti, duke marrë vlerësime të shumta nga kritikët e artit, si piktori i lartësimit të figurave dhe vlerave historike dhe kombëtare.
Përmes evokimit të kësaj ngjarje, Ndocaj ka shfrytëzuar pikturat e tij, për të përcjellë dhe mesazhe të drejtpërdrejta për politikën shqiptare, duke e akuzuar për rrënim të vlerave të kombit, si dhe për problematikat e shumta që shfaqen në aspektet e shtetbërjes.
Ndocaj, vë theksin tek nevoja e bashkiimt kombëtar, ku Skenderbeu, mbetet padyshim frymëzuesi i kësaj aspirate, projeksion të cilin ai e filloi 575 vite më parë në Lezhën historike.
Le të shijojmë pikturat që “kaubojsi” servir për dashamirësit e artit të tij, si shembull frymëzimi për kontekstin historik të “Besëlidhjes shqiptare”:
Besëlidhja e Lezhës u mbajt më 2 Mars 1444 në katedralen e shën Nikollës në Lezhë. E që atëherë Besëlidhja, Skënderbeu e Lezha ngelen simbolet kryesore të bashkimit të shqiptarëve. Skënderbeu ngelet i vetmi që arriti të na bëjë bashkë e këtë vazhdon ta bëjë edhe sot. Ekzistenca jonë si shtet varet edhe sot e kësaj dite nga figura e tij. Mbijetesa e politikës gjithashtu. Skënderbeut ndoshta do i vinte turp po të na shikonte sot prandaj këtij populli i duhen Skënderbej të rinj. Le ti kthehemi edhe njëherë lavdisë së dikurshme! Le të bashkohemi të gjithë kundër të keqes.
