Bashkë-raportuesit për monitorimin e Shqipërisë nga Asambleja Parlamentare e Këshillit të Evropës, Andrej Hunko (Gjermania UEL) dhe Joseph O’Reilly (Irlandë, PPE / CD), kanë shprehur shqetësimin për dorëheqjen e deputetëve të opozitës nga mandatet e tyre parlamentare.
“Në një shoqëri demokratike, parlamenti është qendra e debatit politik, dialogut dhe diskutimit. Parlamentarët i përkasin parlamentit! “, theksuan dy raportuesit ne nje dekarate te publikuar ne faqen zyrtare te KiE.
Duke përshëndetur faktin se protestat e fundjavës së kaluar ishin paqesore, ata i bëjnë thirrje deputetëve të opozitës të rishohin dorëheqjet e tyre dhe ti kthehen parlamentit.
Në të njëjtën kohë, ata i bëjnë thirrje shumicës në pushtet që të sigurojë një hapësirë të përshtatshme për opozitën për të funksionuar dhe për t’u angazhuar në një dialog të sinqertë dhe domethënës me te mbi reformat kyçe dhe qeverisjen e vendit.
“Të dyja palët duhet të përdorin forumin e parlamentit për t’u angazhuar, në mirëbesim, në një dialog të tillë në mënyrë që të kapërcehet stuhia aktuale politike. Nëse kërkohet, ne jemi të gatshëm për të ndihmuar kolegët tanë nga të dyja palët në këtë përpjekje, “përfunduan bashkë-raportuesit.
