Ndërkohë që Zëri i Amerikës po zbardh skandalin më të madh të bashkëpunimit krim-politikë-pushtet, institucionet përgjegjëse të shtetit shqiptar dëshmuan sërish se përballë pushtetit të krimit, nuk kanë autoritet e kompetencë, profesionalizëm apo mbrojtje.
Në dosjen 339 dhe 339/1 është e administruar çdo prove e nevojshme e mjaftueshme per te larguar nga strukturat shteterore çdo individ të inkriminuar, te cilet pasi u bene pjese e politikës, pushtetin e vijuan me format me te renda te abuzimit, deri në kufijtë ekstrem të kriminalitetit, të organizuara edhe në grupe të mirfillta kriminale të strukturuara.
Drogë, abuzime administrative, presione dhe dhunim i të drejtave të qytetarëve, promovim i të paaftëve dhe krimineleve ne administrate,shkatërrim i proçeseve zgjedhore duke blerë e dhunuar vullnetin qytetar. Kjo ka qënë pasoja e krimit në politike e prej politikes në pushtet.
Lezha, Dibra, Durresi jane të parat që hapin siparin e shfaqjes me të rëndë të dhunimit të vullnetit qytetar që prodhoi shkaterrimin e çdo elementi të shtetit ligjor dhe autoritetit të përfaqësimit.
Krimi i organizuar i shkaktoi dëme të rënda Shqipërisë: shkatërroi çdo sektor të zhvillimit! Kriminalizoi strukturat vendimmarrëse dhe politike! Rrënoi moralin politik.
Por, dinjiteti njerëzor mundet dhe duhet të prodhojë vetëm dinjitet politik, dinjitet në vendimmarrje.
E unë besoj fort, se çdo lezhjan i ndershëm, i majtë ose i djathtë, do të mbrojë fort themelin e përfaqësimit: të drejtën për të zgjedhur lirisht, dhe për të zgjedhur midis vlerave.
Vetëm kështu do të mund ti japim autoritet përfaqësimeve dinjitoze, grupimeve dinjitoze politike, vendimmarrjeve të drejta.
