Në të ftohtin e acartë duke pritur me orë të tëra skuadrën e pushkatimit: Por në vend të saj çfarë dërgoi Cari për Dostojevskin

A e dini?
Që Dostojevski është dënuar një herë me vdekje nga Cari? Dhe më pas është falur, duke iu konvertuar kjo në 4 vjet burg dhe 4 të tjera mobilizim të detyruar në ushtrinë ruse?
Ishte viti 1849, kur shkrimtari sapo kishte mbushur 28 vjeç. Bashkë me një grup miqsh dhe artistësh të tjerë, ai ishte pjesë e rrethit letrar “Petrashevskij”, një grupim që kishte rënë mjaft në sy edhe për idetë e tij anticariste. Kështu, Cari urdhëron burgosjen e të gjithë rrethit letrar dhe brenda pak muajsh, gjykata e kohës i dënon me vdekje për veprimtari subversive. Biografë të Dostojevksit, madje shkruajnë që vendimi është anuluar pikërisht ditën e ekzekutimit. Shkrimtarë dhe artistët janë marrë dhe dërguar në fushën e ekzekutimit, duke pritur me orë të tëra në një të ftohtë ekstrem skuadrën e pushkatimit, e cila po vononte. Por, në vend të saj, vjen një letër e firmosur nga vetë Cari, që anulonte vendimin. Një falje kjo, që ai e aplikonte shpesh në momentet e fundit, për të manifestuar kështu mëshirën e tij ndaj nënshtetasve të vet, e cila po të mos kish ndodhur, do t’i mohonte fondit të Letërsisë Botërore një kolos dhe disa vepra të ndritura më pak. Fjodor Dostojevski (1821-1881) është shkrimtar rus i shek.XIX, ndër më të mëdhenjtë e të gjithë kohërave. Ai ka shkruar 11 romane dhe një sërë novelash dhe tregimesh, por veç të tjerave, konsiderohet si pararendësi më tipik i ekzistencializmit, rrymës letraro artistike të lëvruar në shekullin e XX-të./

Fotografia e Letersia Per Ty
Related image