Maqedonia vazhdon të jetë vatër krizash: krizë ndër etnike, kriza insitucionale, kriza ndër shtetërore, kriza ekonomike, kulturore, identitare, religjioze, etj.
Po ashtu kemi edhe kriza që shkaktohen nga partitë për poenta politike e për pushtet.
Jemi dëshmitarë sesi i kundërvihen njëra -tjetrës LSM-VMRO, apo BDI- VLEN. Duhet me u potencuar se marrëdhëniet ndërtnike në Maqedoni mbetet problemi kryesor i krizave.
Që nga krijimi i këtij shteti e deri tash nuk ka asnjë tregues lidhur me bashkëjetesë në kushte normale.
Shkaqet dihen: sllavomaqedonasit kanë dashur të ndërtojnë një shtet për veten e tyre duke i trajtuar shqiptarët si çirakë në trojet e veta etnike.
Pasojat tash dihen dhe vazhdojnë të rëndojnë mbi një shtet që nuk është funksional sa i përket multietnicitetit.
Për mendësinë e shtetin mbinacional maqedonas, dihet fajtorët: ata janë politikanët e shkollës së Beogradit, janë elitat që kërkojnë të ndërtojnë identitet të rrejshëm, janë struktura sllave në politikë e qeverisje që i shërbejnë qarqeve serbe e ruse të cilat pengojnë avancimin e çështjes shqiptare nga frika e tmerri se shqiptarët etnikë në Maqedoni mund të jenë zotër në atij shteti.
Tash koha nuk pret, marrëdhëniet ndërenike varet sesi do të përformojë Mickovski. A ka ai vullnet dhe guxim të thotë se pa ndryshim kushtetute dhe pa shqiptarët popull shtet formues nuk mund të ketë bashkëjetesë ndëretnike?!.
Nëse nuk ka vullnet e guxim, atëherë që të presë t’i rrëshqasë dheu nën këmbë këtij shteti nga ndonjë ortek i mundëshëm.
Maqedonia është vatër kriza: krizë ndëretnike, kriza insitucionale, kriza ndër shtetërore, kriza ekonomike, po ashtu kriza që shkaktohet nga partitë për poenta politike e për pushtet.
Boll me pa sesi i kundërvitet njëra tjetrës LSM-VMRO, apo BD- VLEN.
Për mosrealizimin e të drejtave për shqiptarët po ashtu dihen fajtorët: janë partitë politike shqiptare të cilat e kanë trajtuar popullin shqiptar thjeshtë si turmë për tu marrë votat.
Janë partitë që kanë marrë pjesë në qeveri të cilat fatkeqësisht kanë qenë vasalë e patericë e maqedonasve. Fajtorë jemi të gjithë ne që kemi mbajtur në qeverisje një parti politikë më shumë se 20 vjet.
E tash, pasojat po rëndojnë edhe më shumë, bashkëjetësa ndëretnike nuk është funksionale, raportet ndërtnike janë në një stad destabilizues. Rasti me i freskët është ai i djegjes së flamujve. Këto incidente thellojnë ndarjen ndër etnike.
Cdo veprim, apo akt që bie ndesh me normat dhe standartet demokratike është e dëmshme dhe e pafalshmë për të gjitha shoqëritë.
Por, kur tejkalohet veprimi dhe akti dhe ndërmerren veprime që e kalojnë dimensionin e papërgjegjshmërisë, apo aktin e një vandalizmi të rëndomtë, atëherë ngjarjet marrin përmasa tepër të rrëzikshme.
Kështu ka ndodhur në Maqedoninë e Veriut me rastin e festës së 28 Nëntorit ditës së shpalljes së pavarësisë së shqiptarëve.
Heqja dhe grisja e flamurit kombëtar shqiptar nuk duhet trajtuar dhe analizuar si lajthitje e një të çmenduri që nuk din cfarë bën dhe pse e bën një veprim që mund të prodhojë katastrofa.
Jo! Unë mendoj se pas këtij akti fshihet mendësia e vjetër maqedonase, më shumë sesa mllefi dhe inati I një individi apo grupi, po ashtu fshihet nacionalizmi anakronik sllav, pas këtij akti barbar fshihet çmenduria e klasës politike maqedonase që nuk e pranon reliateti e ri historik, apo nuk don ta pranojë se e ardhmja u përket shqiptarëve.
Fatkeqësisht pasojat i vuan populli e shoqëria, kurse partitë politike i përdorin incidentet për poenta politike.
Shihni deklarat e anasjellta të pozitës dhe opozitës shqiptare, aty dallohet qartë se qëllimi i tyre është pushteti e vetëm pushteti.
Paradoksalit vazhdon ende telenovela mes VLEN E BDI lidhur me zgjedhjet e fundit , apo se kush është fituesi, apo humbësi?!
Hajt t’i japim drejtim kësaj pune se na e kanë gërditur politikën aq vulgare e po ashtu amatore.
Zgjedhjet i humbi BDI. Pikë. Kjo parti humbi dhe materien shqiptare të përfaqësimit sepse formoj një kualicion pa lidhje e pa kuptim futi në strehën e saj, ashkalinj, turbeshë, egjyptian, turq, sllav, grek e serbë.
Dmth një koalicion ku humbët kuptimi i një partie me taban kombëtar.
Po, zgjedhjet i ka humb BDI, sepse votuesit e kuptuan se ata kanë qeverisur vetëm për tu pasuruar. Po ashtu BDI ka humb edhe mbështetjen ndërkombëtare.
E tash, BDI është në hall, don pushtet jo se ka fituar , por se do ta përdorë pushtetin si çati që të strehohet nga paniku se mund të përballen me drejtësinë.
Po, ashtu BDI e kërkon pushtetin se pa atë nuk mund të jetë parti me elektorat. BDI nuk është mësuar të bëjë opozitë, mendon se mund të vije në pushtet duke prodhuar kriza mes shqiptarësh.
Ama, ata, tash duhet të kenë shumë kujdes. Koha ka evoluar nuk mund t’i përdorin më shqiptarët si mish për top vetëm e vetëm për të ardhur në qeveri. Nuk është më vakti i kohë
