Në ditën e 300-të të tubimit qytetar në “Rrugën e Shpresës,” kryetari i Partisë Demokratike, Sali Berisha, shprehu mirënjohjen e tij të thellë për mbështetësit që çdo natë i bashkohen kauzës së tij për liri dhe drejtësi. Berisha vlerësoi përkushtimin e tyre si “misionarë të kauzës së drejtë të lirisë dhe dinjitetit kombëtar,” duke theksuar se në këtë rrugë janë bërë bashkë zërat e fjalës së lirë për të nxjerrë në dritë të vërtetat e asaj që ai e quajti “narkodiktaturë” të Edi Ramës.
Kryedemokrati Sali Berisha gjatë fjalës së tij, duke e cilësuar arrestin e tij shtëpiak si një akt të papranueshëm nga ana e Edi Ramës dhe mafies ndërkombëtare. ‘Rama dhe Soros dështuan në përpjeket e tyre, pasi këto 300 ditë kanë qenë ditët e betejës më intensive, më të motivuar të të gjithë jetës time politike’, deklaroi Berisha.
Lideri i opozitës, Sali Berisha gjatë fjalës së mbajtur, u shpreh për qytetarët se, ‘këto 300 ditë kjo dritare, falë jush, u del çdo natë në ëndërr, Edi Ramës dhe Linda Bashës, si porta e ferrit’.
Në natën e 300-të të tubimit në “Rrugën e Shpresës,” kryetari i PD-së, Sali Berisha, u shpreh me forcë përpara mbështetësve të tij, duke theksuar se u arrit që sot mediat më të mëdha të botës, të spektrit politik të djathtë dhe të majtë, të damkosin Edi Ramën si narkodiktator. ‘Ndaj dhe për ne këto 300 ditë janë sa 3 mijë ditë dhe shumë më tepër, ndaj dhe ne do të fitojmë.’- u shpreh kryedemokrati Sali Berisha në përmbyllje të fjalimit të tij.
