Media greke ‘To Vima’ ka shkruar për një vizitë në Shqipëri të disa eurodeputetëve, mes të cilëve edhe Fredi Beleri.
Sipas artikullit, gjatë vizitës në Tiranë thuhet se grupi i eurodeputetëve, përfshirë dhe Fredi Belerin do të zhvillojnë një takim me kryeministrin Edi Rama.
Takimi me kryeministrin është parashikuar të zgjasë 45 minuta. Në vizitën 3 ditore në Tiranë do të takohen edhe me kryetaren e Parlamentit, Elisa Spiropali.
Theksojmë se Fredi Beleri vjen si eurodeputet i zgjedhur për Greqinë, pasi humbi mandatin e kryebashkiakut të Himarës, pas zgjedhjeve të fituara të 14 Majit 2023, sepse u arrestua dhe dënua me formë të prerë nga GJKKO me 2 vite burgim, për korrupsion në zgjedhje.
