Dhjetë vjet më parë, ajo u bë e njohur gjerësisht në botë pas rekordit të lindjes së 8 foshnjave.
Asnjëherë më parë nuk kishin lindur kaq shumë foshnje nga një grua dhe që të mbijetojnë të gjitha.
Nadja Suleman, u quajt shpejt Octomom dhe u bë e njohur në botë.
Por, derisa rasti fillimisht u konsiderua si një mrekulli, nuk zgjati shumë që Nadja të bëhej objekt talljeje.
Ajo u akuzua shpejt për shtatzëninë e saj duke u përpjekur për të fituar para.
U zbulua se një mjek i kishte implantuar 12 embrione në barkun e gruas.
Ndërsa fillimisht u konsiderua si një grua e pambrojtur që do të bënte gjithçka për të pasur shumë fëmijë edhe pse ishte e papunë, shpejt u konsiderua një nënë e keqe, ndërsa synoi të përfitonte për të jetuar me nënën e saj.
Ajo thuhet se është përpjekur të shesë videon e lindjes së saj për një milion dollarë, u përpoq të patentonte emrin e Octomom dhe thuhet se bëri kirurgji plastike për t’u bërë një kopje e Angelia Jolie, e cila gjithashtu ka një numër të konsiderueshëm fëmijësh.
Por kur paratë mbaruan, dhe Nadja dhe 14 fëmijët e saj u dëbuan nga shtëpia e tyre, ajo ndërmori masa drastike për të fituar para.
Kjo përfshin një ndeshje të famshme boksi dhe madje edhe filma pornografikë.
Kur interesi publik përfundimisht u zhduk, Nadia thuhet se u bë e alkoolizuar ndërsa mori ilaçe për dy vite.
Me Octomom jashtë radarit të medias, shumica e njerëzve e imagjinonin jetën e saj – dhe atë të fëmijëve- se mund të shkonte keq e më keq.
Por në fakt, Nadja ka arritur të provojë të gjitha mënyrat për të rritur 14 fëmijët e saj.
Duke dhënë një seri intervistash për 10 vjetorin e 8 fëmijëve të saj, Nadja ka befasuar shumë duke ofruar një shtëpi të dashur dhe të shëndetshme për familjen pavarësisht nga vështirësitë dhe streset.
Ajo tha se i vjen keq për për shumicën e vendimeve që ka ndërmarrë në të kaluarën dhe se si ajo nuk përdor më emrin ‘Oktomom’ – duke preferuar të përqendrohet vetëm në të qenit nëna më e mirë që mundet.
Një gazetar i New York Times, i cili vizitoi shtëpinë e saj në dhjetor, tregoi se 10 fëmijët kishin tre dhoma gjumi në Orange County.
Adam Popesku shkruan: “Ata janë të sjellshëm, gatuajnë, janë vegan, lexojnë dy libra në muaj dhe bëjnë detyrat e shtëpisë pa u nxitur. Pavarësisht nga të gjitha tregimet që nga lindja, ata janë model i klasës së katërt”.
Nadja Suleman tha se gjithçka ndryshoi kur braktisi jetën e mëparshme për t’u bërë një nënë normale.
