Paramilitarë grekë, të njohur me emrin “Legjionet e Shenjta”, kanë lëvizur me autobuzë nëpër jugun e Shqipërisë. Fillimisht me roba civile kanë shkuar në Dragot të Tepelenës, ku po ndodhin zhvarrimet e ushtarëve të luftës italo-greke dhe më tej tek varrezat në Këlcyrë. Kanë shkuar më pas në Dropull, ku janë veshur me tesha ushtarake duke u ndalur në Jorgucat, Derviçan dhe në varrezat e ushtarëve grekë në Bularat. Gjatë lëvizjeve të tyre kanë bërë fotografi me flamurin irredentist të Aneksimit të Jugut të Shqipërisë.
Sipas informatave që ka siguruar news-start.info, nesër në Athinë do të ketë një paradë dhe manifestime shtetërore për aneksimin e jugut të Shqipërisë të ndodhur më 1914.
Këto veprime të paramilitarëve grekë vijnë në kohën pas disa deklaratave kërcënuese nga Presidenti i Greqisë Prokopis Pavlopulos.
