Situata e brendshme në Partinë Demokratike dhe afrimi i dy kuvendeve brenda një partie, u diskutuan në studion e lajmeve në MCN TV, nga drejtuesi politik dhe deputeti i qarkut Kukës për PD, Flamur Hoxha.
Për z.Hoxha, foltorja e Sali Berishës, ndodhi në kohë jo të duhur, dhe si e tillë, rruga e duhur do të ishte rruga institucionale brenda partisë.
“Dy argumentet kryesore për të cilën mora vendim për të mos marrë pjesë atu, ishte se ajo pjesë e Foltores, ndodhi në një kohë jo të duhur, ajo mund të ishte pas datës 25 prill, kur nuk u morën në konsideratë humbjet në zgjedhje, tani kjo nuk duhej të ndodhte, ne ishim të përgatitur për të filluar një opozitë, prandaj e shoh si një situatë jo shumë të favorshme, sepse nuk duhej të fillonte duke u marrë brenda partisë me njëri-tjetrin.
Për drejtuesin politik të PD në Kukës, Kuvendi i datës 11 dhjetor, nuk është thirrur në rrugë institucionale, kurse ai i datës 18 dhjetor, ka një detyrim ti mbledhë dhe ti unifikoj të gjithë demokratët
“Pse duhet të këmbëngulim pse Kuvendi nuk bëhet me 11 të bëhet me 18. Ai kuvendi i datës 11, nuk ka hyrë në kanalet institucionale të PD, sepse nëse ai i ka firmat, dhe jam i sigurt qe i ka, por duhet të ishte me gjithë pjesën e PD, dhe është një thirrje e cila nuk shkon në institucionet e partisë.
Kuvendi i datës 18 dhjetor do doja të ishte një datë që do të unifikonte dhe bashkonte dhe mund të pranonim gabimet e ndryshimet, ka ardhur koha për një epokë të re për PD-në.
Duke u nisur nga fakti se në këto përplasjet e fundit Berisha-Basha, por edhe më herët ish-funksionarë të PD-së e kanë akuzuar Bashën për një pakt të fshehtë me kryeministrin Rama, z.Hoxha, e mohon një gjë të tillë dhe e quan të pamundshme.
“Pak absurde ta mendosh, sepse deri në datën 9, ishin të gjithë bashkë, dhe nuk besoj se PD ka funksionuar si parti e individit, me ketë rast e Bashës, sepse kam qenë prezentë në të gjitha takimet pas vitit 2017,
Në rrugë koherente dhe në këtë vijueshmëri qëndrimesh mendoj që fushata e 25 prillit me Bashën ja qenë një fushatë model, sepse ka ngjallur shpresë, fryme demokratike. Dihet se këto zgjedhje nuk kanë qenë zgjedhje, sepse kanë qenë të pista”
