Kryetari i degës 4 të Partisë Demokratike në Tiranë, Ervin Goxhaj ka reaguar pas lajmeve se kjo degë ishte shkrirë me urdhër të kryedemokratit, Lulzim Basha.
Goxhaj i hodhi menjëherë poshtë këto zëra duke i quajtur ‘fake news’ që përfitojnë nga baltosja. Do të mjaftonte një foto me disa ndryshime në një grup në Whatsapp, që një sërë mediash, madje dhe vetë dhëndri i Berishës të dilnin ne përfundimin se kjo degë tashmë është shkrirë.
Jamarbër Malltezi ka reaguar i ekzaltuar sot në rrjetet sociale duke publikuar pikërisht këtë foto që nxorri në përfundim të gabuar të gjithë mbështetësit e doktorit, duke përfshirë këtu edhe dhëndrin e tij.
Ky i fundit ka shprehur dhe ambicien për të marrë drejtimin e PD-së një ditë dhe doemos që këto lajme e gëzojnë, pasi i duket sikur janë bonuse në drejtim të Doktorit në foltore.
“Edhe ky hallexhiu raportonte mbeshtetje 95%. Kur mori vesh se 90% e deges kish firmos formularin per thirrjen e kuvendit, i hoqi te gjithe nga lista e mbajti vec dy vete. Sot do raportoje se e ka mbeshtetjen 100% (tek ata dy veta por nuk ka ndonje rendesi ky teknikalitet). E ben per “te ruajtur unitetin e PD”, shkruan Malltezi në Facebook.
Megjithatë, po në këtë rrjet, kryetari i kësaj dege, Ervin Goxhaj ua ka ngrirë buzëqeshjen simpatizantëve të foltores dhe dhëndrit të doktorit pasi me një reagim në profilin e tij ka hedhur poshtë gjithçka është përfolur nëpër portale orët e fundit.
“Ne jemi të bashkuar dhe shpifjet nuk do na përçajnë”, shkruan ai në postimin e tij.
Postimi i plotë:
Ervin Goxhaj, kryetar i “Te dashur demokratë dhe demokrate!
Sot ishte nje dite ku po perpiqesha si shume nga ju te relaksohesha duke u shkeputur per disa caste nga aktualiteti, por papritmas telefoni im u mbush me mesazhe nga miqt e mi duke me derguar postimin e nje lajmi “fake” ku thuhej se eshte urdheruar shkrirja e deges se PD ne njesine nr 4 ne Tirane.
Ne fillim nuk i dhashe shume rendesi pasi portali qe e kishte publikuar, profilizohet nga balta dhe tollovia,por u ndjeva keq kur ky lajm filloi te perhapej dhe ne disa portale kur jo me shume se pak kohe me pare ishte zeri i cdo demokrati dhe qytetari te thjeshte qe vuante nga e keqja qe drejton.
Ndjej detyrimin jo vetem si kryetar i kesaj dege por edhe si nje qytetar i lire i ketij vendi te reagoj ndaj kesaj shpifjeje te ulet qe ka per synim te percaje unitetin tone ne kete zone.
Ne fushaten per zgjedhjet e 25 prillit u hapen disa grupe whats up nga shtabi elektoral i zones ku funksionin e tyre e kryen gjate asaj kohe, ne mos funksionim pas asaj kohe u vendos qe nje nga keto grupe te fshihej, duke mos e ndalur per asnje cast komunikimin dhe ndarjen e ideve dhe problemeve mes nesh,kjo ishte piknisja e nje shpifjeje te ulet.
Nga ketu doja te shprehesha se demokratet e njesise 4 jane me te bashkuar se kurre dhe se keto shpifje qe kerkojne te na perçajne do te na bejne edhe me te forte.”, shkruan Goxhaj.
