Nga Paulin MARKU, anëtar i Këshillit Kombëtar të PD
Kohët e fundit po vihen re shumë dorëheqje në rrafshin politik,si dhe shumë komente të ndryshme sipas konceptimit personal,politik,pasionant apo miqësor.
Para viteve 90-të sistemi monist preferonte dorëheqjen si akt moral të individit nga funksioni politik,apo nga postet udhëheqëse administrative të kohës. Kjo në parim ishte një mjet denigrimi që i imponohej detyrimisht individit, pas të cilës do të vinin, masa të rrepta administrative,politike,shpesh edhe ato penale-ligjore, në vartësi të nevojave të klasës politike të kohës.
Këtë fenomen denigrues në mënyrë masive e përjetuan shqiptarët , politikanët apo drejtuesit politikë të hirarkisë moniste ,në vite e kohë të ndryshme.
Pas kësaj fillonte ndjekja,internimimi,arrestimet,debimet,diferencimi social,politik,administrativ,izolimi masiv dhe shkëputja nga jeta e përditshme sociale ,ekonomike dhe politike .
Pas gjithë kësaj zhurme politike qëndronte politika moniste e kohës e cila realisht,akoma edhe sot nuk e reformoi vetvehten,por jo pak u përkrah me apo pa dëshirë edhe nga struktura politike të kohës së sotme, por edhe nga struktura jo të pakta politike të kohës së monizmit .
1.Cila është ana demokratike e një dorëheqje dhe si mund ta përcaktosh se është demokratike, para një përgjegjësie morale ,politike dhe njerëzore?
2.Kush vlen më shumë përgjegjësia që ke marrë ,apo akti i dorëheqjes si vlerë demokratike?
3.A e largon dorëheqja si akt politik apo qytetar përgjegjësinë apo shkeljet ligjore dhe administrative nëse ke bërë gjatë ushtrimit të një dëtyre apo funksioni shtetëror?
4.A janë në dijeni votuesit ,mbështetësit tuaj,për vendimin e marrë ,apo është zgjedhje personale me interesa vetiake?
5.Sa janë të motivuar mbështetësit tuaj pas këtij akti dhe cili është rezultati pozitv për të nesërmen?
6.Kush janë arsyet dhe shkaqet e këtij akti dhe cili është mendimi i atyre që të mbështetën para dhe pas këtij akti?
Mendoi dhe gjykoj, se politikanët shqiptarët këtu në Shqipëri me aktin e dorëheqjes, nuk mund të amnistohen nga përgjegjësia ligjore,morale dhe qytetare.
