Nga Mentor KIKIA
Ermonela Jaho nuk është thjeshtë sopranoja më e madhe shqiptare. Ajo është sot ndër më të mëdhatë e kohës, në nivel botëror.
Por ajo është edhe më shumë se kaq. Ermonela është një njeri, gjithë kohën, me këmbë në tokë. Jo nuk harron, por kthen vazhdimisht kokwn pas. Ajo nuk lindi e u rrit në familje ku kishte një “dhomë pianoje” prej 7 brezash. Ajo është produkt i talentit dhe punës së madhe që ende bën.
Ajo është një grua kaq e thjeshtë, sa pakkush mund të mendojë që kjo është sot ylli i skenave botërore.
E lavdishme në skenë dhe madhështore në dimensionin njerëzor!
Vjen dhe ikën pa zhurmë. Në shtator do të jetë në Tiranë për të kënduar në përurimin e Operas së rindërtuar të Tiranës.
I lumtur që pranoi të bashkëpunojë me mua, për ti dedikuar një pjesë të programit tim “PËRSE”, në Euronews Albania. Nuk do të flasim shumë për lavdinë, pasi s’ka nevojë, do të flasim për rrugëtimin e saj, për të zbuluar modelin e një njeriu që duhet të frymëzojë çdokënd që ëndërron suksesin, jo vetëm në art.
