Nga Vendim DEMAJ, anëtar i Këshillit Kombëtar të PD-së
Etërit e Rilindjes i pushkatuan fizikisht familjen disidente, ndërsa sot këlyshët e etërve pushkatuan me laps prokurorin e pakompromisit me krimin, z Hajdarmataj.
Fjala miqësi është bërë e rëndomt për shoqërinë shqiptare në ditët e sotme, saqë mjaftojnë 2 fjalë në tren me një Senegalez dhe ne menjëherë themi e kemi mik, nëse nga tv e shofim që ai mban ndonjë post të rëndësishëm, por miqësi është ajo ndjenjë besimi pa interes që nis, rritet dhe forcohet nga vështirësitë dhe betejat e jetës, pa ditur se çfarë ka rezervuar jeta për ty nesër, ashtu siç nisi dhe është kjo e jona, miku im.
Jo vetëm ata që kanë ecur në vite të jetës me ty, por kushdo që ka pas rastin të të njoh nga afër, nuk kanë asnjë dyshim që trinomi yt për jetën dhe profesionin janë,kurajo, dinjiteti, dhe drejtësia, por në një çiflig hijenash është e pamundur mbijetesa e një luani të vetëm.
Miku im, targa jote e vendit të lindje ishte mëkati që duhej të paguaje për të mos qenë pjesë e sistemit të drejtësisë, tashmë të Rilindur si sistem në shërbim të brigadave të kuqe.
Mëkat tjetër ishte dhe refuzimi që Ti u bëje ofertave të herë pas hershme që të bënte #Ramajetullahu i Surrelit për të mos hetuar bashkëpronarët e tij të biznesit të drogës dhe krimit, ndërsa rrënja e mëkatit ishte familja jote e pushkatuar dhe persekutuar për gjysëm shekulli nga etërit e këtyre këlyshve të komunizmit të sotëm.
Pavarësisht se forca e një pushteti bandit që kontrollon çdogjë është më e fortë se forca e drejtësisë dhe argumenteve individuale, Ti duhet të dish një gjë, se Ne shoqëria, miqësia dhe familja jote po e po jemi krenar për ty, pasi banda e pushkatimit nuk ja arriti të detyrojë t’i nënshtrohesh zhantazhit apo të ulje kokën dhe të shkelje mbi parimet tua dhe familjes tënde, e cila ndryshe nga Ti por nga e njëjta pjellë e kuqe u pushkatuan fizikisht.
Thelbi i një njeriu të lirë, është dinjiteti i Tij.
