Një grua nga Mali ka lindur pesë vajza dhe katër djem në Marok, ka njoftuar qeveria e vendit afrikan, duke vendosur një rekord të ri botëror.
Halima Cisse, 25 vjeç, besohej se mbante shtatë foshnje pas kontrolleve të bëra në spital gjatë ndjekjes së shtatzënisë. Por ekografitë duket se nuk kanë mundur të shohin dy foshnje të tjera që mbante e reja shtatzënë.
Gruaja nga veriu i shtetit të Afrikës Perëndimore u dërgua në një klinikë në Marok për një kujdes më të mirë pas ndërhyrjes së presidentit të përkohshëm të vendit, Bah Ndaë.
Lajmin për rastin e pazakontë e dha Ministria e Shëndetësisë së vendit që theksoi se fëmijët kishin lindur me operacion cezarian.
“Të sapolindurit (pesë vajza dhe katër djem) dhe nëna gëzojnë shëndet të mirë”, thuhet në njoftimin e ministrisë. Megjithatë zyrtarët në Marok, ende nuk kanë konfirmuar lindjen e shumëfishtë.
Familja e re e madhe tani mund të bëhet mbajtëse e re e rekordeit botëror. Nadya Suleman nga SHBA-ja renditet si nëna që lindi më shumë fëmijë në të njëjtën kohë. Ajo lindi gjashtë djem dhe dy vajza në Kaliforni në vitin 2009.
