Kandidati për deputet në qakun e Lezhës, Eduart Ndocaj, ka ndarë sonte një mesazh falënderues për të gjithë miqtë e tij të shumtë të cilët e ngushëlluan për babain e tij, që u nda nga jeta dy ditë më parë. Në video-mesazh Ndocaj, shpreh mirënjohjen e tij për miqtë e panumërt që iu gjendën pranë në këtë moment të vështirë dhe u drejtohet atyre duke i cilësuar: një vlerë e madhe jetësore ndaj dhe do u konsideroja të cmuar, përtej politikës!
Ndocaj, gjithashtu u është drejtuar me një mesazh dhe përkrahësve të tij, duke e konsideruar të nevojshme, si dhe duke kërkuar mirëkuptimin e tyre.
Ndiqeni të plotë video-mesazhin:
Të nderuar miqtë e mi!
Së pari, më lejoni të përcjell falënderimet e mia të përzemërta për mesazhet ngushëlluese tuajat dhe u them se ndjehem thellësisht mirënjohës për secilin nga ju!
Së dyti, duke qenë se jemi në përmbyllje të fushatës elektorale dhe unë jam kandidat për deputet në qarkun e Lezhës, në respekt të mbështetësve dhe përkrahësve të mi, kërkoj mirëkuptimin tuaj për të adresuar këtë mesazh falënderues, për cdonjërin që u angazhua dhe u dakortësua me programin tim dhe të subjektit politik ADK.
Miqtë e mi! Ju jeni një vlerë e madhe jetësore ndaj dhe do u konsideroja të cmuar, përtej politikës! Këtë e dëshmuat me mesazhet tuaja ngushëlluese të panumërta, duke më dhënë forcë dhe kurajo për ecjen para!
Për të mos u zgjatur, ju ftoj që më 25 prill të shprehni të bindur verdiktin tuaj, kështu do mundemi së bashku të ecim në rrugën e konsolidimit të demokracisë dhe vlerave të saj!
Përzemërsisht, Eduart Ndocaj
Lexo me shume:
Eduart Ndocaj në zi/ Covid-19 i merr jetën njeriut të dashur të ish-deputetit
