Nga Ilir ALLKJA, mjek
Të dashur socialistë , unë po ju drejtohem ju që jetoni, punoni e vuani në Shqipëri njësoj si unë.
Ju drejtohem që keni provuar spitalet tona të degraduara, ku ju keni shpenzuar miliona nën dorë, por që votoni ata, pashallarët që trajtohen në spitalet moderne të botës.
Socialistë, a besoni se e meritoni të jeni inferiorë karshi atyre që sot ju nxitin ju kundër nesh, kundër popullit opozitar në betejën e tyre për pushtet të pakufishëm, ndërsa ne, populli jetojmë në skëterrë e të pashpresë ?
Pashallarët e kuq ju perdorin ju socialistë për çdo betejë politike, për çdo perballje, dhe në fund ju përdorin edhe kundër jush e familjeve tuaja, pasi duke abuzuar me pushtetin që i delegoni ju, këta pashallarë prodhojnë ligje kundër popullit , pa dalim, e në përkrahje të kriminelëve që janë ulur këmbëkryq në parlament, qeveri, bashki etj.
A nuk e keni kuptuar që këta pashallarë janë tallur me idealizmin tuaj ??
A e keni pyetur ndonjëherë veten se përse nuk ju japin mundësinë ju e bijve tuaj të mrekullueshëm që të perfaqësoheni në parlament, qeveri, bashki etj ??
Ju socialistë të thjeshtë a nuk e kuptoni se Ju e familjet Tuaja meritojnë me shumë dinjitet moral dhe ekonomik ??
Ju i pranoni heshturazi të gjitha prapësitë, skandalet, abuzimet e pashallarëve të kuq, por a nuk ju vjen ndër mendje se kështu ju po çoni dëm jetët tuaja ?
A nuk e kuptoni se ju socialistët nuk keni fituar asgjë, ndërsa ata që votoni Ju jetojnë në parajsë. Ju tashmë e dini se vetëm ora e dorës së një deputeti (shembull T.B.) që ju votoni shkon nga 30 000 deri 50 000 euro , pothuaj aq sa është buxheti juaj familjar per 10 deri 20 vite !!!
Unë, një mjek i mbetur pa punë, në kohë lufte, vetëm sepse denoncova korrupsionin në spitalet tona, ju bëj thirrje që të bëhemi bashkë, jashtë çdo preference partiake e të shpëtojnë vendin nga rregjimi i një mashkulli të përdalë , dhe pas kësaj partia socialiste t’ju kthehet socialistëve !
