Kandidati i PD në Pukën, Lodovik Hasani, përmes një postimi në profilin e tij facebook, ka ftuar qytetarët pukjanë të bashkohen rreth kandidaturës së tij, pa dallime, pa ndikime emocionale, larg konsumizmit të politikës së ditës, dhe bashkërisht ta konsiderojnë 25 prillin, si ditën e fitores mbi krimin e organizuar që ka marrë peng të ardhmen e vendit, si dhe si ditën e “ekuinoksit pranveror“ për çeljen e Shqipërisë drejt një perspektive tjetër që siguron prosperitet dhe zhvillim ekonomik.
Në apelin drejtuar zgjedhësve pukjanë. Hasani ka nënvizuar se “Votimet e 25 prillit, janë të një rëndësie historike, pasi shqiptarëve dhe pukjanëve u ofrohen dy alternativa: Në njërën anë, Edi Rama, që me shpurën e tij prej gangsterësh dhe rrugaçësh synon të marrë mandatin e 3-të, pa dhënë llogari për keqqeverisjen e 8 viteve, por përmes blerjes së votave dhe shantazhimeve të buxhetorëve, si makinacione kriminale prej së cilave Rama dhe pushtetarucët e tij në bashki nuk ndahen asnjëherë, dhe nga ana tjetër Partia Demokratike dhe koalicioni i “Aleancës për Ndryshim”, si formacioni politik më serioz dhe vizionar për një Shqipëri që ecën e sigurtë në proceset e saj integruese dhe afirmimin vullnetmirë të saj në nxjerrjen nga kriza ekonomike që politikat e PPP-ve dhe koncensionet klienteliste të këtyre 8 viteve e kanë zhytur vendin në një borxh gati-gati falimentues“.
“Së bashku, të vazhdojmë rrugëtimin tonë drejt fitores dhe t’i bashkohemi uraganit blu, që më 25 prill do të përshkojë gjithë Shqipërinë“, ka përfunduar thirrjen e tij, kandidati i PD Lodovik Hasani, i cili vjen në këtë kandidim si një profil mjaft i spikatur, duke qenë kështu një përzgjedhje e duhur dhe që ka entuziasmuar jo vetëm demokratët e qytetit të trevës verilindore, por edhe banorët në tërësi, pasi ai është përfaqësuesi dinjitoz i vlerave qyetare dhe imazhi i politikës së ndryshimit që mishërohet në virtytet e tij prej një profesionisti në gjithcka që ai bën.
Apeli i kandidatit Lodovik Hasani:
Vëllezër të mi pukjanë!
Votimet e 25 prillit, janë të një rëndësie historike, pasi shqiptarëve dhe pukjanëve u ofrohen dy alternativa: Në njërën anë, Edi Rama, që me shpurën e tij prej gangsterësh dhe rrugaçësh synon të marrë mandatin e 3-të, pa dhënë llogari për keqqeverisjen e 8 viteve, por përmes blerjes së votave dhe shantazhimeve të buxhetorëve, si makinacione kriminale prej së cilave Rama dhe pushtetarucët e tij në bashki nuk ndahen asnjëherë, dhe nga ana tjetër Partia Demokratike dhe koalicioni i “Aleancës për Ndryshim”, si formacioni politik më serioz dhe vizionar për një Shqipëri që ecën e sigurtë në proceset e saj integruese dhe afirmimin vullnetmirë të saj në nxjerrjen nga kriza ekonomike që politikat e PPP-ve dhe koncensionet klienteliste të këtyre 8 viteve e kanë zhytur vendin në një borxh gati-gati falimentues.
Të dashur vëllezërit e mi!
Unë vij në këtë kandidim, si përfaqësues i PD, forcës politike e cila ka kurajon dhe meritën historike të ndryshimeve të mëdha që Shqipëria ka njohur në progresin ekonomik dhe strategjik të saj. Le të bashkohemi, pa dallime, pa ndikime emocionale, larg konsumizmit të politikës së ditës, pasi programi dhe vizioni ynë është afatgjatë, por për përmbushjen e tij kërkon bashkimin e energjive të të gjithë qytetarëve që e ndjejnë veten të shpërfillur, të nëpërkëmbur, të penalizuar, të përjashtuar, të nën çuar, të vjedhur, të grabitur, të leçitur nga modeli qeverisës i sektit të rilindjes dhe copëzat e pushtetit të tij në institucionet lokale.
Bashkimi ynë, kundër modelit të Edi Ramës dhe bashibozukëve të tij është apeli im, që duhet të mbledhë në këtë kauzë, çdo qytetar, duke lënë mënjanë ngarkesat personale, por të thirrur në këtë mison kombëtar, ta shohim 25 prillin, si ditën e fitores mbi krimin e organizuar që ka marrë peng të ardhmen e vendit, si dhe si ditën e “ekuinoksit pranveror“ për çeljen e Shqipërisë drejt një perspektive tjetër që siguron prosperitet dhe zhvillim ekonomik.
Së bashku, të vazhdojmë rrugëtimin tonë drejt fitores dhe t’i bashkohemi uraganit blu, që më 25 prill do të përshkojë gjithë Shqipërinë.
Voto numrin 9, Partia Demokratike
Voto Lodovik Hasani, numri 6
