Alfred Rushaj, drejtuesi i fushatës së Partisë Demokratike dhe kandidat i saj për deputet në Tiranë, ka publikuar sot një videolajm dhe videomesazh njëherësh, që mbartin të njëjtin emërues: Zhavorr elektoral – krim elektoral.
“Në mes të Tiranës, në njësinë 4, Rilindasit shtrojnë zhavorrin elektoral për të marrë vota, – gjykon Alfred Rushaj për atë që nuk e konsideron tjetër përveçse “krim elektoral.”
“Ky krim elektoral synon të mashtrojë qytetarët për arritjet e qeverisë, ndërsa e vërteta është se banorët e kësaj zone kanë qenë jashtë vëmendjes gjatë gjithë kohës. Shumë mirë që po hidhet zhavorr, vetëm se kjo gjë duhej bërë më parë, jo tani për fushatë”, argumenton kandidati i PD-së, i treti në listën e Tiranës.
