Ish-presidenti dhe ish-kryeministri i Shqipërisë, Sali Berisha, feston sot ditëlindjen e tij të 76-të.
Me këtë rast, ai ka marrë urime të shumta nga miqtë, rrethi i ngushtë dhe familja, teksa vendosi që një ditë si kjo ta shënojë përmes një fotografie të publikuar në rrjetet sociale.
Sali Berisha pozoi krah bashkëshortes së tij, Lirie Berisha, teksa në mbishkrimin e fotografisë u shpreh i lumtur që sot mbushi 76 vjet.
“Miq, sot 76 vjeç! Mirënjohje të pakufishme Zotit, familjes dhe të gjithe atyre që me dashurinë, miqësinë, besimin dhe mbështetjen kanë qenë dhe janë eleksiri i udhëtimit tim jashtë imagjinate 76 vjeçar. Zoti ju bekoftë!“, ka shkruar Berisha në Facebook.
Një urim i përzemërt për doktorin shkoi edhe nga ish-deputeti i njohur lezhian, Eduart Ndocaj – kaubojsi, i cili urimin e tij e shoqëroi me dollinë e nënë Bardhes, që së fundi është bërë mjaft virale në rrjetet sociale.
