13 vite më parë, Policia e Shtetit pësoi goditjen më të madhe, pasi humbi në detyrë katër efektivë të Forcave Operacionale.
Saimir Duçkollari, Kastriot Feskaj, Altin Dizdari dhe Fatos Xhani, u qëlluan për vdekje gjatë aksionit policor për arrestimit e më të kërkuarit, Dritan Dajtit.
Dje u mbushën 13 vite nga kjo ngjarje e rëndë dhe drejtësia ende nuk është vënë në vend. Të katër të vrarët nga radhët e policisë prehen në Varrezat e Dëshmorëve.
Përmes një statusi në profilin e tij facebook, ish deputeti Eduart Ndocaj, sjell në vëmendjen e opinionit publik, se kjo ngjarje e rëndë është një nga njollat më të mëdha në radhët e uniformave blu, pasi askush nuk jep garancitë e duhuara, nëse ishte një kurth apo skenar.
Më pas, ish deputeti, përmes mesazhit dedikuar katër efektivëve të rënë në këtë operacion, shprehet, se:
“Këta djem të rinj nuk kanë nevojë as për fjalë dhe as për elozhe, por vetëm për një përulje me respekt ndaj tyre. Ju prindër ndonëse me lot në sy dhe plagë në zemrën tuaj duhet të jeni krenarë sot e përgjithmonë, pasi emri i tyre nuk do të harrohet kurrë, por do të kujtohen ndër breza. Janë ëndrrat e tyre të lëna në mes që do të na bëjnë të ecim përpara.”
Dështimi i aksionit policor bëri që Dritan Dajti të vriste katër punonjës police.
Dhe ende sot shpirti i tyre nuk gjen paqe deri në dhënien e drejtësisë së merituar për dorën vrastare.
Ja mesazhi i plotë:
Qeveria e narkotrafikantëve sot ka festë; feston vrasjen e anti mafias dhe anti drogës.Me katër jetët e prera në mes, ata lanë pas, shumë herë më tepër dhimbje, jo vetëm familjare…, dhjetëra brenga profesionale, mijëra zhgënjime nga sistemi që duhet të rivendoste drejtësinë, dhe pafund krenari për pasardhësit! Bekuar qofshin!
