Nga Anisa Zaimi,
Kandidate per Anetare ne Senatin Akademik
Studentët janë hallka më e rëndësishme e sistemit universitar dhe këtë e tregoi edhe protesta studentore në Dhjetor 2018.
Protesta e studentëve ishte e shenjtë, mbarëpopullore dhe gjithëpërfshirëse.Ajo tregoi më së miri sesa të mënjanuar janë sot studentët nga drejtimi i universiteteve dhe sistemit qeveritar ndër vite.
Protesta e studentëve shkundi nga themelet gjithë sistemin dhe u tha me të madhe: “Hej, boll u tallët me studentët! Kupa u mbush ! “
Revolta dhe zemërimi i studentëve nuk u shua me mbylljen e protestes vjet. Energjia e studentëve, ashtu si cdo formë tjetër energjie, u shndërrua, mori forma të tjera por asnjëherë nuk humbi !
Që prej protestes, ne studentët jemi më të ndërgjegjshëm për forcën tonë, më të organizuar rreth idealeve tona,më të bindur që së bashku mund ta transformojmë sistemin universitar.
Që prej atyre ditëve, kuptuam më mirë rëndësinë e organizimit studentor dhe mezi prisnim një datë zgjedhore që të vendosnim për përfaqësuesit tanë më të denjë të UT.
Tërmeti famëkeq dhe situata prej Covid-19 i vështirësoi dhe shtyu organizimet tona dhe datat e zgjedhjeve, por në datë 30 Korrik ne jemi gati për të votuar për një përfaqësim dinjitoz studentor, jemi gati t`i rikthejmë vlerën Universitetit të Tiranës.
Studentët nuk duhet të pengohen nga kushtet e vështira dhe ne, me patjetër, duhet të organizohemi në mënyrë kapilare që të gjejmë mundësinë për të ardhur dhe votuar në 30 Korrik!
Sa më shumë të mungojmë ne, aq me shumë e lëmë në këmbë këtë sistem shkatërrues ndaj studentëve!
Në 30 Korrik ne duhet të vendosim për të drejtat tona!
Në 30 Korrik ne duhet ti rikthejmë dinjitetin studentëve dhe Universitetit të Tiranës !
Anisa Zaimi,
Kandidate per Anetare ne Senatin Akademik
Fakulteti i Ekonomise, Universiteti i Tiranes
