Çdo tezë politiko-zgjedhore, e hedhur ditet e fundit, ka si qëllim në vetvete përqarjen e faktorëve opozitarë, në emër të “opozitës” dhe “votës së lirë”, kjo kauzë e vërtetë e aksionit politik për Opozitën e Bashkuar.
Këto përpjekje dhe tymnaja, rrjedhin dhe stimulohen, nga shqetësimi që ka sot kjo mazhorancë për humbjen e sigurtë në çdo përballje të ardhshme elektorale.
Këto makinacione, tentojnë rimarrje pushteti, tashmë jo vetëm nëpërmjet blerjes dhe krimit elektoral, por me lloj-lloj përqarje të mundshme (përqa dhe sundo), duke tentuar për të bërë pjesë të kēsaj përqarje edhe elementë të shëndoshë opozitarë.
Opozita duhet të jetë e qartë dhe e vendosur, që çdo ndryshim në ligjin zgjedhor të jetë mbi bazat e asaj për të cilën u krijua vëtë kjo opozitë dhe nisi aksioni i saj politik i përbashkët.
Ajo që eshtë më e rendesishme eshtë largimi nga pushteti i Rilindjes me KM Edi Ramēn, kjo si domosdoshmëri dhe nevojë jetike për shqipëtarët, ky duhet të jetë obligim i kujtdo që e quan veten opozitarë i vërtetë.
Ndryshimet e pranuara për tu bërë, nga marrveshja politike e nënshkruar për Reformën Zgjedhore, nuk janë në tërësi ato të propozuara dhe të pritura nga ne, por kurrë nuk duhet lejuar të bëhen ndryshime të thella, të cilat do të dëmtonin pluralizmin politik dhe themelet e demokracisë.
Sot kërkohet, bashkëpunim dhe mirëkuptim, transparencë dhe vullnet, për të bërë të mundur atë që ju kemi premtuar shqiptarëve, ndryshe opozita do të jetë më fajtore nga kjo mazhorancë për dēmin e shkaktuar prej saj.
Aksioni opozitarë u nis dhe duhet të ngelet kauzë në vetvete, kjo në emër të protestave të vazhdueshme në shi dhe në të ftohtë, përballë dhunës e presionit me stermundim dhe sakrificë, me djegje mandatesh dhe tërheqje nga pushteti lokal, e mbi të gjitha me besim dhe shpresë.
Ky aksion, duhet të i kaloj përmasat e interesave të subjekteve politike dhe aq më teper interesat personale, në të kundert kemi mohuar kauzën për të cilën u krijua kjo opozitë dhe u ngrit ky aksion opozitarë
Çdo tezë e hedhur, si në lidhje me kualicionet, me pragun e perqindjes etj, mund të diskutoheshin përballë një sistemi proporcional kombëtarë me lista të hapur, në të kundërt kemi të bëjmë me komplote politike, për të deformuar vullnetin e qytetarëve duke penguar zhvillimin ekonomik e antarësimin për në BE.
Ridimensionimi i PLL vazhdon.
