Angelina Jolie dhe Brad Pitt kanë arritur marrëveshjen përfundimtare lidhur me kujdestarinë e gjashtë fëmijëve. Lajmi është bërë i ditur nga avokatja e Angelina Jolie.
“Marrëveshja e kujdestarisë është arritur javë më parë dhe është nënshkruar nga dy palët”, ka thënë avokatja Samantha Bley DeJean.
“Marrëveshja, e bazuar në rekomandimet për kujdestarinë e fëmijëve, eliminon nevojën për proces gjyqësor. Dokumentacioni dhe detajet e marrëveshjes janë konfidenciale për të mbrojtur interesin e fëmijëve”, ka thënë avokatja.
Jolie dhe Pitt, dikur një prej çifteve më të njohura të Hollywoodit, u ndanë në shtatorin e vitit 2016 pas më shumë se dhjetë vjet romancë dhe dy vjet martesë.
