Ditën e djeshme, kryeministri Edi Rama citoi një tjetër aktor sa i përket çështjes së Teatrit Kombëtar.
Por edhe këtë herë, pavarësisht se po citonte fjalët e të madhit Reshat Arbana, sërish kreu i qeverisë nuk nguroi të bënte manipulimin e rradhës.
Aktori i njohur Reshat Arbana, ka folur thuajse një vit më parë për çështjen e shembjes së Teatrit Kombëtar, i cili u shpreh se teatri duhet të mbetet aty.
Ai është treguar shumë i kujdesshëm për të shprehur mendimin e tij dhe ka thënë se mirë është që teatri të qëndrojë aty, pa thënë konkretisht të bëhet I ri apo të restaurohet, pasi sipas tij ky vendim duhet të merret me grupet e interesit dhe specialistët e fushës.
“Them që teatri duhet të mbetet aty. S’jam dakord që u dashkan 1 milion dollarë për tu rikonstruktuar. Le të mendojnë për këtë punë ata që janë specialist, lerjani territorin e teatrit Tiranës. Le të bëhet një teatër i mirë, të lemë këta aktorë të ushqejnë me emocione popullin sepse të themi të drejtën vuajmë për këtë pjesë. Nëse do vazhdoni të dëgjoni të gjithë, mëndojeni më hollë sepse me 200 vetë nuk do dilni kurrë në krye. Mendoni, po jo me kaq kallaballëk, sepse secili ka mendimin e tij, merrni ata që merren me këtë punë, merrni grupet e interesit, arkitektët”, u shpreh Arbana./Syri.net
