Në dy vitet e fundit, Bashkia Pukë ka shënuar një përmirësim të dukshëm në treguesit e performancës institucionale dhe menaxhimit vendor. Nën drejtimin e Kryetarit Rrok Dodaj, kjo bashki është kthyer në një model të mirëadministrimit, transparencës dhe përkushtimit ndaj qytetarëve.
Raportet e performancës të hartuara nga institucionet përgjegjëse tregojnë për:
- Rritje të efikasitetit të shërbimeve publike;
- Përmirësim në përthithjen e fondeve publike dhe investimeve;
- Transparencë më të madhe në vendimmarrje dhe komunikim me qytetarët;
- Fokus të vazhdueshëm në zhvillimin ekonomik lokal dhe promovimin e turizmit.
Kryetari Rrok Dodaj, me një eksperiencë të gjatë në administratë dhe menaxhim publik, ka treguar aftësi të veçanta në drejtimin e një bashkie me sfida gjeografike dhe demografike si Puka. Qasja e tij e qartë dhe vizionare, e kombinuar me punën në terren dhe dëgjimin e komunitetit, ka sjellë një diskurs të ri në jetën publike dhe sociale të kësaj bashkie.
Rritja e treguesve të performancës nuk është thjesht statistikë – është dëshmi e punës së përkushtuar, përgjegjshmërisë dhe besimit të ndërsjellë mes institucionit dhe qytetarëve.
Bashkia Pukë po ecën drejt objektivave të saj me hapa të sigurt dhe modeli Dodaj mbetet një shembull i drejtimit me integritet dhe rezultate konkrete. (S. Gj/ infopressalbania)
