Pas barazimit pa gola me Serbinë në Tiranë, të shumtë ishin ata që thonë se penalltinë e shpërdoruar nga Manaj duhet ta gjuante sulmuesi i Inter, Klodian Asllani.
Asllani u ndal pas ndeshjes te penalltia e Manajt, duke shprehur dhe dëshirën që kishte për ta goditur ai 11-metërshin.
“Na mungoi gola, treguam kualitet sonte, luajtëm shumë mirë, sidomos me tifozët tonë, jemi të lumtur, por na mungoi goli, e donim të gjithë fitoren, por tani mendojmë për ndeshjen tjetër. Ne e prisnim të gjithë këtë ndeshjen, kjo skuadër ka shumë kualitet, na mungojnë vetëm golat, shpresojmë që ndeshjet e ardhshme të vijnë golat.
Besoj se Manaj s’ka nevojë për suport, ka eksperiencë ka luajtur me Kombëtaren dhe skuadrën e tij, penalltia mund të ndodh që të humbet, vëmendja dhe koka është te ndeshja tjetër. Nuk e kam ndjesinë për ta gjuajtur unë penalltinë, por do doja ta shënoja unë. Sot e kishte Manaj, nuk shkoi goli, por nuk ka problem”, u shpreh Asllani.
