Një telefonatë anonime në sallën operative të policisë ka ngritur në alarm forcat e rendit pasditen e sotme në Tiranë. Bëhej fjalë për një njoftim për një bombë të dyshuar në hotelin luksoz “Plaza”.
Sipas burimeve telefonata është bërë në recepsionin e hotelit për një bombë në parkim, më pas personeli ka njoftuar policinë.
Policia është e angazhuar për të gjetur bombën në të gjitha hapësirat e godinës dhe po punon për verifikimin e vërtetësisë së situatës.
Nga ana tjetër, policia ka boshatisur të gjithë godinën duke nxjerrë jashtë klientët dhe personelin, siç edhe shihet nga pamjet.
Nga kontrolli i ndërtesës nuk është gjetur asgjë e dyshimte dhe alarmi dyshohet të jetë fals. Zona pranë hotelit ndërkohë është rrethuar.
“Rreth orës 19:35, në Sallën Operative të DVP Tiranë ka telefonuar një punonjëse e stafit të një hoteli në rrugën “Abdi Toptani”, me pretendimin se dikush i panjohur e ka njoftuar për vendosjen e një sasie eksplozivi në parkimin e këtij hoteli. Menjeherë në vendngjarje ka shkuar forca të shumta policie të cilët kanë bërë rrethimin e zonës dhe evakuimin e personave të hotelit. Gjithashtu janë njoftuar forca xheniere për kontrollin dhe verifikimin e informacionit”-njofton policia.
Pas verifikimit, rezultoi se alarmi ishte fals.
“Në vijim të paraprakes së dhënë pak më parë e cila bënte fjalë për një telefonatë se ishte vendosur një sasi eksplovizi në parkimin e një hoteli në rrugën “Abdi Toptani” ju informojnë se gjatë kontrollit nga sherbimet e Policisë në bashkëpunim me forcat xheniere nuk kanë konstastuar asgjë të jashtëligjshme”.
