Nga Iva Grillo
Nuk e di kur ka dalë (shpikur) kjo puna e Noc Rrokut…(një togfjalësh që Kryeministri shqiptar e përmend zellshëm duke i veshur edhe një dozë të madhe vulgariteti) përdoret për të treguar një lloj situate falimentare, pritshmëri të ulët apo dështim total.
Gjithsesi, pavarësisht origjinës së këtij personazhi/përdorimi të togfjalëshit, një gjë është e sigurt: në ditët e sotme ky togfjalësh nuk konceptohet dot i shkëputur nga figura e kryeministrit Rama.
Si të thuash, nuk ka “Noc Rrok” pa Ramën dhe anasjelltas…
Kam përshtypjen që ndoshta ky është autogoli më i madh që Kryeministri Rama, i njohur për taktikat manipulative të opinionit, ka bërë në komunikimin e tij publik.
Sepse pavarësisht faktit se ai e përdor këtë personazh/situatë për të poshtëruar apo zvogëluar staturën e të tjetëve, ai në fakt ka bërë padashje autoportretin e vet më të saktë: atë të fjalëve të mëdha dhe punëve të vogla, pritshmërive të larta dhe falimentit pothuajse total në çdo fushë të qeverisjes, ngrefosjes se pafre dhe përmbajtjes mediokër.
Sot nuk besoj se ka njeri që dëgjon togfjalëshin “Noc Rrok” dhe nuk i shkon në mend “Noc Rroku” i Kryeministrise… si të thuash: kur themi Noc Rrok, kemi thënë Rama…dhe anasjelltas.
Sepse sot kemi në mënyrë të padiskutueshme:
👉”reformat e Noc Rrokut”
👉”pensionet e Noc Rrokut”
👉”mjekësinë e Noc Rrokut”
👉 “satelitet e Noc Rrokut”…
madje edhe
👉poturet e Noc Rrokut”
👉rruga “Noc Rroku”, Surrel, etj…etj.
Të gjitha, falimente, bëma e pompozitete që lidhen vetëm me një vizion: vizionin qeverisës alla “noc rrok” të Ramës.
Ndaj kryeministri t’a gëzojë emrin e ri dhe ju ftoj që sot e tutje t’a thërrasim të gjithë me emrin që e ka merituar plotësisht.
Ps. Më poshtë, foto nga emisioni: “Opinion” ku u zbulua edhe autorësia e “reformës së Noc Rrokut” në drejtësi.
