Në një botë ku rrjetet sociale zënë një hapësirë shumë të rëndësishme në jetën tonë, ato prekin edhe marrëdhëniet tona ndërpersonale. Sa herë e kemi gjetur veten në profilin e një mikeje të vjetër, me të cilën nuk kemi më raporte? E dimë që e ke menduar që ta heqësh nga lista e ndjekësve, ndaj të kemi dedikuar një artikull.
Vendimi është personal dhe mund të varet nga disa rrethana dhe ndjesi. Megjithatë, ja çfarë duhet të merrni parasysh nëse jeni në një dilemë të tillë:
Mirëqenia emocionale: Nëse përjetoni emocione negative sa herë shihni ish-mikun/eshën në Instagram, atëherë është një ide e mirë që thjesht t’i bëni unfollow. Pse ta shqetësoni veten pa qenë nevoja?
Të ecni përpara: Një unfollow mund të duket si diçka pa rëndësi, por mund t’ju ndihmojë të ecni përpara.
Respektoni kufijtë: Nëse miqësia juaj përfundoi jo mirë, të mos e ndjekësh më në rrjete sociale mund të jetë një mënyrë për të respektuar kufijtë tuaj dhe për të krijuar distancë midis jush dhe personit tjetër.
Pa drama: Ndonjëherë, rrjetet sociale mund të sjellin drama të panevojshme, veçanërisht nëse ka ndjenja të vazhdueshme negative mes palëve. Ndaj bëni unfollow dhe shmangni konfliktet.
Nga ana tjetër, nëse nuk e keni problem të shihni përditësime nga ish-miku/esha dhe e vlerësoni praninë e tyre online, mund të mos jetë nevoja t’i hiqni. Megjithatë, mos harroni se është me rëndësi t’i jepni përparësi shëndetit tuaj mendor dhe emocional.
