Dega e Partisë Demokratike Tropojë ka denoncuar vazhdimisht para jush me fakte dhe prova se si Bashkia Tropojë po shkon drejt falimentimit të plotë për shkak të papërgjegjshmërisë së kryetarit të saj, duke shpallur tendera pa patur fonde, mos likujdime të energjisë elektrike, detyrimet nga vëndimet gjyqësore për shkak të largimeve të padrejta nga puna e punonjësve e të tjera, ku nga ana jone i është kërkuar Bashkisë Tropojë të bëjë transparent detyrimet financiare por kjo thirrje ka rënë në “vesh të shurdhër “.
Detyrimet financiare te Bashkisë Tropojë u bënë publike në mbledhjen e keshillit bashkiak Tropojë 22.12.2023, për buxhetin e vitit 2024, falë insistimit të përfaqësuesve të këshilltarëve të djathtë por edhe përgjegjshmërisë se dy personave nga ana e përfaqësuesve të majtë .Duke faktuar me argument se si bashkia eshte e zhytur ne borxhe dhe e falimentuar.
Përfaqësuesit e bashkise në prezantimin e buxhetit për vitin 2024, paraqitën një liste me investime për vitin 2024 e cila është një listë e investimeve të kryera gjatë viteve 2020-2023, nga ana e tyre u pohua se kjo liste është listë detyrimesh që vjen nga vitet 2020-2023, dhe se për vitin 2024 dhe dy vite në vazhdim Bashkia nuk do bëjë asnje investim të ri, pasi që detyrimet janë në vlerën 4,5 miliard lekë, vetëm për këto kontrata të lidhura me pare, në kohë fushate, investime pa cilësi dhe duke rrënuar buxhetin e bashkisë dhe e vëndos bashkine në vështirësi serioze financiare, duke ditur që fondi për vitin 2024 i bashkisë Tropojë është 4,6 miliardë lekë, pa shtuar ketu detyrimet e energjisë elektrike dhe detyrimet nga vendime gjygjesore, pra detyrimi i bashkisë është sa vetë fondi në dispozicion, por pavarsisht argumenteve dhe propozimeve nga këshilltarët e djathtë dhe dy përfaqesuesve nga e majta për një rishikim të buxhetit për ta bëre atë në interes të qytetarëve, kjo gjë nuk u pranua dhe nën trysni edhe me forcë kartoni, bashkia e miratoi buxhetin, i cili nuk perfaqeson aspak interesat e qytetarëve, por është një buxhet për të kënaqur interesin e kryetarit dhe të dy-tre “oligarkucve”që ju ka dhënë tendera për të blerë vota dhe për të përfituar për veten e tij.
Kryetari i Bashksie propagandonte lart e poshte se kam marre nje bashki me borxhe për një detyrim prej 7,2 milion leke, për të cilat as nuk mori mundimin ti shlyente, por ju thoshte qytetarëve se nuk kam leke, duke i lënë shkollat për kater vite qeverisje pa lyrje, pa mjete pastrimi dhe pa dru zjarri edhe pse tenderin e bën për dru zjarri me nga 50 milion çdo vit, tender cili fitohet nga kompani ne Tirane, ndërsa drutë dërgohen nga punonjësit e bashksie me rrogen e tyre, punonjesit e arsimit me rrogat e tyre lyejn shkollat, blejnë detergjent, paguajnë punonjeset e pastrimit, në një kohë kur parat e taksava të qytetarve e shperdoroheshin duke bere rrugë me një shtresë asfalti jashte standarteve.
Me buxhetin e miratuar dje ju thotë qytetareve të Tropojes se për tre vitet në vazhdim do ketë zero investime, asnjë leke per mirëmbajte shkollave, kopshteve dhe çerdhes së vetme ne qytet se me taksat e tuaja do te mbajë 395 punonjesit e bashksie vetem per rrogen, pra sherbimet ndaj qytetarëve do të mungojnë.
Një pyetje ju drejtohet këshilltareve që votuan këte buxhet përveç përfitimit personal që keni me njerzit tuaj të afërm të familjes, punësuar në bashki që marrin rrogen pa shkuar asnjë ditë në punë, si do justifikoheni para atyre që ju dhanë votën në premtim e dhënë?
Po përgjegjësi i arsimit te rrethit që është edhe këshilltaret në bashki në konflikt të hapur interesi me ligjin e qeverisjes vendore, çfare justifikimi do ketë për mesuesit dhe nxenësit të cilet kanë kater vite pa sherbime,bpa dru, pa mjete didaktike, pa mjete pastrimi të cilat i paguajn nga xhepi i tyre. Apo do ju thotë vazhdoni siç keni bere deri tani se Bashkia ska fonde? Se partia ështe mbi te gjitha ? Po kur shkollat do ngelen pa nxënës, çfarë do ju thoni atyre?
Dega e Partise Demokratike Tropoje i bën thirrje dhe do ti drejtohet prefektit te qarkut Kukës që të mos miratojë këtë buxhet, Ministria e Financave të marre në administrim Bashkine Tropojë si bashki me veshtiresi financiare, njëkohësisht dhe Kontrollit të Larte të Shtetit, Prokurorise të bëjnë një hetim te plotë se pse bashkia Tropoje i fshehu detyrimet në kundërshtim me ligjin e menaxhimit financiare dhe financave vendore dhe të marrë para përgjegjësisë ligjore të gjith ata që demtuan te ardhmen e qytetarve te Tropojës.
