T‘i ulëras gjinis me zemër
apelit të ndërgjegjes…Pse?!
T‘i bërtas gënjeshtrës në fytyrë
asaj që deri dje fshihej
vetëm për një etiketë
kur vulgarja është bërë modë
dhe të përqesh dhomave të hoteleve…Pse?!
T‘i them vendlindjes time
je komplet gabuar
kur ajo nuk degjon më nga ai vesh…Pse?!
Ta ngrej zërin
përkundrejt bashkëkohësve të mi
që janë kthyer në kameleonë oportuniteti…Pse?!
T‘i drejtohem Nolit, Konicës…
e t‘u them që shkrimet tuaja
janë kthyer vetëm në një garë
parrullash alibie…Pse?!
Ku ta nis e ta bitis
me ty Shqipëri
ma trego të lutem këtë…Pse?!
