Shërbimi Meteorologjik Ushtarak bëri të ditur se vendi ynë do të ndikohet nga kushte atmosferike të paqëndrueshme.
Moti parashikohet kryesisht i vranët.
Vranësirat do të shoqërohen me reshje shiu të vazhdueshme me intensitet mesatar në formë shtrëngatash dhe të lartë në formën e rrebesheve të rrëmbyer shoqëruar me shkarkesa elektrike. Këto të fundit të përqendruara në veri-veriperëndim dhe jug-jugperëndim.
Në orët e vona të mbrëmjes reshjet e shiut në të gjithë vendin bëhen më intensive në formën e stuhive. Mjegull/mjegullinë nga reshjet e shiut.
Era do të fryjë me drejtim juglindje–jugperëndim me shpejtësi mesatare 3-9m/sek, përgjatë vijës bregdetare dhe në zonat luginore era fiton shpejtësi dhe bëhet intensive deri në 15-20m/sek. duke u shoqëruar me valëzim në dete të forcës 5-7 ballë. Erë intensive dhe problematike.
