Nga A. P
KRYEBASHKIAKU I TROPOJES, REXHE BYBERI, DËRGON PARATË E KORRUPSIONIT DERI NË AMERIKË!
***Çfarë bëri McGonigal për Tropojën që ti jepet dekorata nga kryebashkiaku Byberi, apo vetëm si shpërblim për shpikjen e dosjes non grata për Sali Berishen???
Mund të duket një komedi, kur marrim parasysh vendin e vogël që nxë Shqipëria në arenën botërore, por kur bëhet fjalë për korrupsion, vendi ynë na “përfaqëson denjësisht”.
Politikë, lobingje, korrupsion dhe spiunazh. Këto janë ato që ofron historia e ish agjentit të lartë të FBI-së, Charles McGonigal, një histori e denjë për filmat aksion të Hollywood-it, ku përfshihen politika, lobingjet, rrjeti i spiunazhit dhe paratë e korrupsionit.
Charles McGonigal, u arrestua në SHBA pasi akuzohet për bashkëpunim me rusët, deklarim të rremë dhe pastrim të parave të pista.
Drejtësia amerikane konfirmon se një ish agjent i SHIK-ut shqiptar, i quajtur Agron Nezaj, i ka paguar mikut të tij McGonigal plot 225 mijë dollarë në data të ndryshme. Dyshimet janë që këto para janë paguar që ish agjenti i lartë i FBI-së të punojë për të nisur një hetim ndaj lobimeve të Partisë Demokratike në ShBA dhe të ndërhyjë në formulimin e dosjes për shpalljen non grata të ish kryeministrit Sali Berisha.
Pas arrestimit të McGonigal, ka dyshime që janë nën hetim nga institucionet e larta amerikane, jo vetëm kryeministri i vendit, z. Edi Rama, ish agjenti i SHIK-ut shqiptar, z. Agron Nezaj, si miq të afërt me z. McGonigal, por gjithashtu ka indicie që është nën hetim edhe kryebashkiaku socialist i Tropojës, z. Rexh Byberi. Ky i fundit dyshohet të jetë nën hetim nga institucionet amerikane si një ndër financuesit e shumës së parave që i janë dhënë ish-agjentit Charles McGonigal përmes ish-agjentit të SHIK-ut Agron Nezaj, mik i afërt i kryebashkiakut socialist.
Në fakt, kryebashkiaku socialist, në mënyrë të habitshme, pa asnjë fakt konkret të lidhjes së ish agjentit të FBI-së, Charles McGonigal, me Tropojën, e ka dekoruar këtë të fundit me titullin “Mirënjohja e Tropojës”, në një event të mbajtur në Tiranë, në muajin Shtator të vitit 2021, nën praninë e figurave të larta lokale dhe qëndrore të Partisë Socialiste, si Damian Gjiknuri. Ky event është reklamuar dhe nga vetë kryebashkiaku socialit, Rexh Byberi, përmes një postimi në rrjetin e tij social Facebook.
Në Tropojë përflitet shumë që Agron Nezaj, është në fakt personi që ka promovuar si kandidat për kryetar bashkie të Partisë Socialiste, Rexh Byberin, dhe ky i fundit e ka shpërblyer me para atë, para te cilat duket që janë përdorur për të paguar ish agjentin e FBI-së, Charles McGonigal, për punën e bërë nga ana e tij në përgatitjen e dosjes kundër ish kryeministrit Berisha dhe nxitjen e hetimeve ndaj Partisë Demokratike.
Por sa para i ka dhënë ish agjenti i SHIK-ut, Agron Nezaj, ish agjentit të FBI-së, Charles McGonigal ? Nga erdhën këto para ? Çfarë pjese të kësaj shume janë paguar nga kryebashkiaku socialist, Rexh Byberi dhe ku e gjeti ky i fundit këtë sasi lekësh me rrogën e një nëpunësi shteti ? Pas arrestimit të Charles McGonigal a do ketë arrestime të tjera ?
Këto dhe shumë pyetje të tjera do marrin përgjigje pas zbardhjes së dëshmive të Charles McGonigal, Agron Nezës dhe shumë dëshmitarëve të tjerë kyç në lidhje me këtë çështje.
Një gjë është e sigurt, hetimet vazhdojnë dhe institucionet e pavarura amerikane e kanë marr shumë seriozisht këtë histori të denjë për filmat aksion. Mbetet të shohim nëse kësaj here do e pësojnë edhe peshqit e mëdhenjë apo do vazhdojmë të mbetemi në rangun e cironkave. Vazhdon…!
