Italia më datat 12-13 shkurt shkon në zgjedhjet e pushtetit vendor, ku partitë e qendrës së djathtë synojnë pushtetin, për të rikonfimuar veten e tyre si forca qeverisëse.
Ne mesin e kandidatëve, me realitet e krijuara, ka vend dhe për shqiptarë: shqiptarë të aftë, të zotë, të cilët janë integruar mjaft mirë dhe kanë ditur të fitojnë simpatinë e vendasve.
Njëra prej tyre është Valentina Ndocaj, bashkëshortja e ish-deputetit lezhian Eduart Ndocaj, e cila kandidon në për këshilltare e bashkisë së Brescia-s, në listën e Noi Moderati, subjekt politik i spektrit te djathte, ne koalicion me Fotca Italia.
Po kush është Valentina Ndocaj?
E lindur më 17.04.1976, Valentina Ndocaj vjen nga një familje mjaft e njohur dhe fisnike e trevave të Veriut të Shqipërisë. Vitaliteti dhe këmbëngulja për të arritur objektivat janë dy nga cilësitë më të spikatura të saj.
Studimet e larta i kreu për agrokulturë dhe zooteknikë, pë të vijuar më pas me studime të mëtejshme akademike në Universitetin Ekonomik të Tiranës, të cilin e përfundoi ën vitin 2015.
Edhe pse larg Shqipërisë, duke emigruar në Itali me të shoqin Eduartin,Valentina mënjëherë iu përshtat jetës së re, duke hequr dorë nga profesioni i saj dhe duke u akomoduar si punonjëse në sektorin e shëndetësisë, punë të cilën e kryen me shumë pasion dhe përkushtim.
Znj. Ndocaj, është një individ i spikatur profesionalisht dhe qytetarisht në komunitetin vendas, pasi me punën e saj në sferën e shëndetësisë, ka dëshmuar përkushtimin e saj profesional dhe human.
Ëshët për t’u përmendur roli I saj si sekretare administrative e kompanisë “Ndocaj Group”, ku dha një ndihmesë të madhe në organizimin dhe ngritjen e kësaj kompanie në fushën e ndërtimeve, duke u bërë konkuruese dhe mjaft e përmendur për cilësinë e punimeve.
Nisur nga këto cilësi, si dhe nga realiteti i krijuar, ftojmë komunitetin shqiptar në Itali, dhe vecanërisht në bashkinë e Brescia-s, të votojnë për kandidaturën e znj. Ndocaj si këshilltare e kësaj bashkie, pasi një premisë e tillë, siguron më shumë vëmendje dhe më shumë përshpejtim të proceseve të plota integruese për shqiptarët.
Vota e emigranteve shqiptare ne Itali per Znj. Valentina Ndocaj, pervecse krenari, eshte tregues i respektit dhe vlerave humane qe mbart kjo familje, e cila gjithnje ka qene mbeshtetese e shqiptareve dhe ka dhene ne kontribut ne integrimin e tyre ne Itali.
