Nga Agron PREBIBAJ
Modestia, komunikimi e thjeshtësia e znj. Diana Papleka (Djaloshi), vjen si fymëzim për botën tonë të sotme jo pak të trazuar, intelektualja e cila don të veprojë në njerëzoren pa u shënjestruar nga media.
Në fakt ne Nikaj – Merturi thyejmë rekorde kombëtare si krahina(komunë) e cila zën vëndin e parë në shkallë kombëtare për arsimin e lartë me 1.1 person për familje, me 29 Prof.Dr. shkencash, shumë e pasur në botën intelektuale të artit, sportit, muzikës e shkencës e kudo!
Por e veçanta e rallë vjen se Diana jonë, vjen më e pasura sesa shumë intelektualë të zakonshëm, Ajo vjen si përcjellja e botës intelektuale në tre braza, pason gjyshin Pashko Paplekaj, intelektuatin e kohës, shtetarin korrekt e të përkushtuar, por ajo pason edhe babain doktorin Gjergj Pashku – misionari humanistit në sherbesën e tij edhe përtej betimit të hipokratit, kudo në Nikaj-Metur, Tropojë, Shkoder etj.
Tre breza familje intelaktuale të përmasave kombëtare, por kjo pasuri elitare ju përket familjeve të rralla në Shqipri e ballkan!
Por sot Diana Papleka nuk i shpeton dot vëmendjes së medias, së pari si intelektuale, e së dyti si pinjollja e familjes intelektuale në tre breza.
Ajo është Doktore e shkencave në fushën e Gjuhësisë sociale. Ka mbi 25 vite që punon për organizatat ndërkombëtare, ku ka marrë pjesë në dhjetra trajnime dhe kualifikime ndërkombëtare në fushën e menaxhimit dhe komunikimit.
Dr.Djaloshi është njohëse e mirë e shoqërisë civile që në fillimet e veta dhe ka kontribuar në themelimin dhe fuqizimin e saj duke trajnuar me qindra profesionistë në fushat e shkrimit të dhe zbatimit të projekteve, komunikimit, menaxhimit dhe në shumë fusha të tjera.
Dr. Djaloshi ka punuar në pozicione të larta menaxheriale tek “Korpusi Amerikan i Paqes”, “Partnerët për Ndryshim Demokratik” dhe “Qendra Kombetare e Trajnimit dhe Asitencës”.
Dr.Diana është edhe konsulente e organizatave të mëdha si zyra e Kombeve të Bashkuara për Zhvillim (UNDP), SIDA Suedeze, EU si edhe e një numri të madh organizatash vendore në fushat e “shkrimit, zbatimit, menaxhimit dhe vlerësimit të projekteve” si edhe në shumë fusha të tjera të zhvillimit.
Ajo ka punuar edhe si Pedagoge e lëndeve “Komunikimi në Biznes”, “Sjellje Organizative” dhe “Shkrim dhe Menaxhim Projektesh” pranë Universitetit Luarasi dhe Fakultetit të Ekonomisë, Universiteti i Tiranës.
Diana ka si pasion të studiojë dhe të bëjë kërkime në lidhje me mënyrat se si flasin dhe komunikojnë njërzit dhe se si mënyra e tyre e komunikimit ndikon mbi zhvillimet e shoqërisë dhe në të njëjtën kohë si zhvillimet e reja në shoqëri e ndikojnë mënyrën se si komunikojnë njerzit. Ajo ka shkruar shumë artikuj në lidhje me këtë fushë.
Një ndër studimet e saj është edhe libri “Kultura dhe shoqëria jonë pas komuniste” ku përshkruan dimensionet kulturore të Shqipërsisë së pas komunizmit të tilla si “distanca e pushtetit”, “maskuliniteti dhe feminiliteti në shoqëri”, “menaxhim afatshkurtër apo afatgjatë” etj.
Ajo është në përfundim të librit të saj “Komunikimi dhe mendësitë”, një libër që bazohet në shumë vite studim dhe kërkime mbi mënyrën se si mendësitë (mentaliteti) ndikon mbi komunikimin dhe se si komunikimi i transmeton mendësitë.
Filozofia e saj përmblidhet në një fjali “nëse përpiqesh shumë, ke disiplinën dhe vullnetin e duhur mund t’i arrish qëllimet e tua në çdo kohë dhe në çdo vend”.
Diana është krenare që është bija e Dr.Gjergj Paplekës, emrin e së cilit mban me krenari Qëndra Shëndetësore Lekbibaj(dikur Spital)!