Nga Edlira Devolli-LEKA
Halle të mëdha ka opozita dhe shqiptarët.
U ka mbetur si ferrë nëpër këmbë Sali Berisha e Ilir Metaj.
Për PD që është parti historike dhe aktualisht partia më e madhe opozitare, është denigruese të drejtohet nga Ilir Metaj.
Cilido të jetë halli i Sali Berishës, sa do i madh të jetë problemi dhe ndëshkimi që i kanoset për çfarë mund të ketë apo mos ketë bërë, e për çfarë mund të akuzohet, nuk mund të pranohet që Metaj të drejtojë PD, është e dhimbshme, si dhimbje morti.
Në vitin 2013 demokratët u hoqën nga puna me firmën e drejtuesve të LSI. Kush kishte hall dhe pranonte të bëhej strukturë e LSI qëndroi në punë, kush nuk pranoi u hodhën në mes të rrugës nga LSI, duke iu përdhosur dinjiteti.
Sot del Ilir Metaj nga selia e PD dhe kërcënon duke thënë “Kudo që kemi kandidatë të sigurt për fitore do t`i përfshijmë në primaret e përbashkëta. Kandidatët të respektojnë njëri tjetrin. Kush dëmton tjetrin përjashtohet nga gara”.
Pra nëse kandidatin e LSI e rrezikon në vota kandidati i foltores, Meta udhëron Berishën që ta përjashtoj…?
Është e qartë si drita e diellit se me hallet që kanë të dy, por Berisha më shumë, është i gatshëm t`i sakrifikoj demokratët.
Dhe në fakt nuk është hera e parë që i sakrifikon e luan me demokratët, por t`i detyrosh e t`i nënshtrosh te Ilir Metaj është e tepërt.
E ka hedhur helmin e përçarjes mes demokratëve, sa kërkon t`i iluzionoj të gjithë duke pretenduar se është më mirë të sakrifikohen për Metajn se sa të bashkohet PD e vlerave. Dhe që PD të bashkohet duhet të largohet ai që e përçau, Berisha.
Në tërë këtë kakofoni korrupsioni e non grate nuk kuptohet a është “sintoni e plotë dashurie Berisha-Metaj apo kanë litarët e njëri tjetrit në duar?
