Kryeministri Edi Rama, ditën e sotme u ndal te ikja e të rinjve në Britani, ku u kërkoi të mos shpenzonin 30 mijë euro për t’u larguar, mirëpo ato para t’i përdorin për të investuar në agroturizëm pasi mund të fitojnë më shumë.
Rama u ofroi mbështetjen e qeverisë të gjithë atyre të rinjve të cilët dëshirojnë që të investojnë në vendin e tyre.
“Të gjithë ata që shpenzojnë nga 30 mijë paund, për të marrë ato rrugët e frikshme të emigracionit klandestin, duke jua lënë kursimet në dorë trafikantëve në kërkim të një ëndrre që nuk ekziston, me 30 mijë paund mund të bëjnë një ekonominë e tyre atje në Kukës, në tokën e gjyshërve. Këtë nuk e them nga ca kam parë në një ëndërr me sy mbyllur, por nga ajo që kam parë në realitetin e shumë agroturizmeve që janë ndërtuar, Të gjithë ata të rinj që duan të ndërtojnë një agroturizëm, jemi gati t’i mbështesim. Edhe ata që kanë transformuar tokat dhe shtëpitë e gjyshërve, fitojnë më shumë se nga ato që mund të fitojnë në të bardhë a në të zezë atje në Angli. Ky është fakt”, tha Rama.
