Dafina Zeqiri publikoi sot në TikTok një video ku shfaqej e përlotur dhe e prekur nga ngjarja e fundit në Prishtinë ku një 11-vjeçare u dhunua seksualisht nga disa burra.
Ajo shprehej e frustruar me komentuesit që u japin të drejtë abuzuesve duke i justifikuar me mënyrën si vishen apo kërcejnë vajzat. Ndërkohë krah videos ka shkruar: “Unë po vuaj të them edhe fjalët që dua të them, sa e nervozuar, e trishtuar jam! Ndaloni këto dreq “Shiko si po visheni? Po nxirrni këngë seksi? Po dridhni b*thët në clube” Nuk ke të drejtë të marrësh çfarë nuk është e jotja dhe pikë.”
Më vonë përmes një statusi në Twitter Dafina ka zbuluar se ka qenë e ngacmuar seksualisht. “Jam ngacmuar seksualisht! I di të drejtat e mia! Nëna ime na ka rritur ne si nënë/baba/ vëlla/ motër dhe na ka mësuar për të drejtat tona. Do t’i luftoj përgjithmonë abuzuesit! Jam përgjithmonë me ju!”, ka shkruar Dafina pasi një fanse e falenderoi për mbështetjen.
Më parë këngëtarja ka treguar edhe se ka qenë e përfshirë në një marrëdhënie abuzive, ku në përfundim faji i mbeti asaj si në çdo rast abuziv, ku shoqëria u drejton gishtin vajzave si fajtore për ngjarjen. Dafina shprehu se kjo gjë ka ndodhur në fillimet e karrierës së saj dhe ajo nuk mori mbështetje nga askush, as nga sistemi i korruptuar.
Në një status më përpara, këngëtarja ka treguar se edhe projekti i saj muzikor ‘Duro’ bazohet në një histori të vërtetë.
“Si mundet: Sa herë një grua përdhunohet? Abuzohet? Kërcënohet? Madje dhe vritet? Një nga justifikimet që dëgjon nga djemtë është: ‘Ajo më tradhtonte!’, ‘Donte vetë!’, ‘E kërkoi vetë! Dhe ju e besoni? Vajzat e tjera flasin për këtë gjë? Mos e lejoni të akuzuarin të marrin vëmendje nga budallallëqet e tyre! Mos i lejoni të akuzuarit të bëjnë krime dhe të akuzojnë femrat! Mos i lejoni të akuzuarit të hedhin më shumë baltë mbi gratë! Unë kam qenë në një marrëdhënie abuzive në fillim të karrierës dhe gjejeni pak se kë akuzuan… Mua! E njëjta gënjeshtër me emrin tim: Ajo po më tradhtonte! Nuk mora asnjëherë ndihmë për mbështetje nga sistemi, sepse ishte i korruptuar! Për vite u përballa komente dhe gjepura! Ndërsa djali që isha në lidhje eci me kokën drejt dhe i lumtur, sepse ai e fitoi vëmendjen! Stop! Më ka ardhur në majë të hundës më të mbajturin gojën mbyllur nga idiotët paragjykues! Ju nuk më njihni dhe emri im është përdorur dhe përmendur shumë herë për vëmendje dhe lajme të rreme nga X persona! Stop!”-shkruante Dafina.
