Nga Mentor KIKIA
Ndonjehere, vras mendjen se perse ne ketu nuk kemi evoluuar si githe shoqerite e tjera.
Ca mendojne se na la Perandoria Osmane mbrapa, na prishi rracen, na modifikoi genetikisht, e u beme gjysme europiane e gjysme aziatike. Na nderpreu civilizimin, na shkaterroi arsimin dhe kulturen, na hoqi identitetin.
Ca mendojne se na prishi komunizmi, na “trodhi” si popull, duke na hequr nervin e reagimin e na shnderroi ne qenie te perulura, servile dhe spiune.
Teorite kundershtohen publikisht, si antikombetare, antishqiptare e rraciste. Megjthate, nje shpjegim duhet ta kete…
Rrjetet sociale na kane mundesuar qe, nese duam te kuptojme mendesine e nje populli, nuk ka nevoje te organizojme pyetsore. Mjafton te kesh durimin e derrit dhe te shpenzosh kohe per te lexuar “opinione” te qytetareve. Dhe ajo qe une konstatoj eshte se sot, ne shqiptaret jemi te ndere ne tri kategori:
1-Ata qe jane te afektuar kaq shume me qeverine, sa te nxjerrin syte edhe per kritiken me te vogel.
2-Ata qe jane te afektuar me opoziten, dhe serish te nxjerrin syte nese thua nje fjale te mire per qeverine.
3-Ata qe su plas fare, as per qeverine as per opoziten, por i kane syte nga aeroporti, ose thjeshte presin….
Ka edhe nje grupim tjeter, jo indiferent, ata qe perpiqen te jene realiste, por qe turma i ha, serish, pasi duhet te jesh patjeter i pozicionuar ne nje llogore. Keta nuk perbejne bashkesi, jane soj ne zhdukje, ndaj nuk i quajta grupim te katert.
Pavaresisht arsyes, apo arsyeve, ne sot jemi vendi me i prapambetur ne Europe, kemi shtetin me te korruptuar ne Europe, dhe jemi nen sundimin e tre politikaneve qe kane 32 vjet ne skene.
Dhe ne qe jemi te gatshem ta shqyejme njeri-tjetrin, per ti mbajtur njerin apo tjetrin, edhe nja 32 vjet te tjera.
Kush e ka fajin? Politikanet hajdute, apo populli qe i zgjedh?
Kesaj nuk i jap dot pergjigje, pasi e di qe ne fund do te me sulen e do ma lene mua fajin, qe zgjidha si fajtor njeren apo tjetren pale.
