Reforma Administrative-Territoriale!
Është e domosdoshme vlerësimi si duhet i kësaj reforme të rëndësishme.
Draft propozimi i opozitës duhet të jetë unifikues dhe gjithpërfshirës me çdo faktorëve opozitar, pavarsisht funksionimit apo jo të koalicioneve opozitare.
Opozita, subjekte të caktuara opozitare, duhet të lënë menjëanë mosmarrveshjet e brendshme momentale, ato duhet të jetë bllok në kryerjen e një reforme cilësore dhe produktive duke mos e lënë këtë reformë në duart e mazhorancës aktuale ashtu si ndodhi në vitin 2014, pasojat do të ishin të pafalshme.
Reforma Administrative Territoriale e bërë në vitin 2014, për arsye që dihen, u bë në mënyrë të njëanshme e subjektive, gjysmake dhe jo funksionale duke siguruar artifica dhe ndarje teritoriale që siguruan marrjen në tavolinë të shumë bashkive prej PS.
Për PLL, kjo reformë që kërkohet të bëhet sot, duhet që me patjetër, duke pasur parasysh edhe mangësitë e vërejtura deri tani, të bëhet e drejta, e depolitizuar dhe me ekspertë për të i ardhur sa më shpejt në ndihmë qytetarëve duke kryer shërbime dhe investime për këdo e në mënyrë të barabartë.
Duke parë sesi ka ndikuar reforma administrative deri sot në funksionimin e pushtetit lokal, jemi të sigurt se ndarja e re teritoriale duhet të parashikoj shtimin e numrit të bashkive mbi atë aktual 61.
Grupimi i komunave në 61 bashki nuk solli ndryshimet e pritura, centralizoj pushtetin vendor, disa zona rurale mbetën në harresë dhe pa shërbimet e duhura, shtoj numrin e të punësuarve sipas interesave në momente fushatash, nuk rriti si duhej të ardhurat, nuk shtoj investimet dhe nuk rriti cilësinë e shërbimeve, por përkundrazi vështirësoj çdo gjë e solli probleme të shumta.
Është e pafalshmë që edhe sot pas 30-vjet pluralizëm politik reforma tepër të rëndësishme, si kjo Administrative-Territoriale, të vazhdojnë të bëhen me qëllime dashakeqëse në kurriz të qytetarit e të demokracisë thjesht për të siguruar marrjen e pushtetit lokal apo qendror prej atij që ka në dorë kryerjen e reformës së rradhës.
