I ftuar në emisionin e pasdites në kanalin ntv, ish-deputeti Eduart Ndocaj ka ndarë me publikun interesimin e shumtë për mungesën e tij në media, si dhe mosaktivizimin në jetën politike të vendit, ku padyshim “kaubojsi” ka qenë një nga zërat më konsekuentë dhe më frekuentë në qasjen e tij opozitariste, dhe veçanërisht ndaj kryeministrit Edi Rama.
Përmes një interviste, në lidhje direkte nga Milano, Ndocaj ka ndarë me teleshikuesit kuriozitetin e veprimtarisë së tij, si dh eka dhënë opinione të shumta rreth situatës politike.
I afirmuar si një biznesmen i sukseshëm në Milano, Ndocaj theksoi se me kompaninë e tij të ndërtimit, krijuar që më 1999, ka arritur të fitojë një reputacion pozitiv dhe të krijojë një imazh të mirë, jo vetëm për emrin e tij, por dhe të bashkëkombasve, pasi dihej që opioni i vendasve ndaj shqiptarëve në dekadën e fundit të shekullit të kaluar nuk ishte dhe aq miqësor. Me punë, përkushtim dhe ndershmëri kam arritur të kem një sipërmarrje të suksesshme, -pohon ish deputeti në intervistën e tij.
Raportin me Lezhën, qytetin tim të lindjes, janë shpirtërore, asgjë nuk më ndan me atë mrekulli natyrore dhe me ata njerëz të mrekullueshëm që me fisnikërinë e tyre janë bërë mishërim i mikpritjes dhe vlerave të integrimit dhe bashkëjetesës, fetare dhekulturore, pasi sot, Lezha ime, shquhet për këtë unikalitet dhe civilizim të pashoq, ndaj dhe e çmoj deri në afeksionin tim të pashtershëm.
Sa i takon marrëdhënieve bilaterale me Apeninet, Ndocaj nënvizon rolin tejet kyç të italianëve në proceset integruese, si dhe nuk harron të falënderojë për hapjen e dyerve ndaj qindra e mijra emigrantëve shqiptarë, por veçanërisht për ndikimin gjeopolitik që pati Italia duke kontribuar me përshpejtimin e proceseve të asocim-stabilizimit dhe liberalizimit të vizave. Gjithashtu, ish-deputeti theksoi se ka ende punë në mes qeverive të dy vendeve për finalizim marrëveshjesh, në dobi të vendeve respektive, kryesisht të shqiptarëve, pasi fuqia punëtore e 30 viteve emigracion të shqiptarëve në këtë vend duhet të shoqërohet me njohje kontributesh dhe sigurimesh, që do të ishte hapi i duhur i vlerësimit të djersës së derdhur.
Aktualitetin politik, kaubojsi i politikës shqiptare Eduart Ndocaj, e sheh të zymtë dhe nuk paralajmëron asnjë zhvillim të ri, pasi sipas tij, kahjet politike në vend janë njësoj dhe nuk ofrojnë alternativë, por retorikë tallëse dhe denigruese.
